गायक प्रकाश सपुतमाथी रोमानियामा बियरको बोतल प्रहार

इटहरी/ स्टेज कार्यक्रमका लागी रोमानिया पुगेका लोकप्रिय गायक प्रकाश सपूत माथी बियरको बोतल प्रहार भएको छ । उनले स्टेजमा आफ्नो प्रस्तुती दिदैगर्दा दर्शकदिर्घाबाट बोतल प्रहार भएको हो । सपुत माथी बोतल प्रहार भएको भिडियो यतिबेला सामाजिक संजाल टिकटकमा भाईरल हुने क्रममा छ । उक्त भिडियो हेर्दा उनलाई बोतल प्रहार गर्ने ब्यक्ति मदिराले लट्ठ भएको देखिन्छ । बोतल प्रहारले सपुतको मुखमा चोट लागेको उक्त भिडियोबाट बुझ्न सकिन्छ ।

सो घटनापछी उनले स्टेज छाडछन् । तर पछि उनले पुनः स्टेजमा प्रस्तुति दिएका थिए । सपुतलाई बोतल प्रहार गर्ने ब्यक्तीलाई सुरक्षाकर्मीले पक्राउ गरेको भिडियो पनि सामाजिक संजालमा सार्वजनिक भएको छ । कलाकारमाथी स्टेजमा प्रस्तुति दिदै गर्दा यस्तो घटना नौलो त हैन । धेरै कलाकारहरुले यो खालको घटना दोहोर्याइ दोहोर्याइ भोगेका छन् । तर, सपुतमाथी भने यो पहिलो घटना हो, त्यो पनि देश बाहिर । यो घटनापछि धेरैले दु:ख व्यक्त गरेका छन्, तर सपुतले भने कुनै प्रतिक्रिया जनाएका छैनन् ।