इटहरी/ गायिका रिज्योना कार्कीको सुमधुर आवाजमा सजिएको नयाँ म्युजिक भिडियो ‘फूल टिपी’ हालै सार्वजनिक भएको छ । शङ्कर अधिकारी घायलले लेखेको यस गीतमा गाउँकी छोरीको जीवनशैली र परम्परागत पहिरनको सुन्दर चित्रण गरिएको छ । लक्ष्मण पोखरेलको संगीतमा तयार यो गीतको संगीत संयोजन अशोक थापाले गरेका हुन् । हाइटेक इन्टरटेन्मेन्टको युट्युब च्यानलबाट यो गीतको भिडियो सार्वजनिक भएको हो ।
भिडियोमा मोडल अञ्जना तामाङको अभिनय देख्न सकिन्छ, जसले टिकटक र रिल्सजस्ता सोसल मिडियामा सक्रियता देखाउँदै आफ्नो मोडलिङ यात्रासँगै तरकारी व्यवसाय पनि सञ्चालन गरिरहेकी छिन् । भिडियो निर्देशन र कोरियोग्राफीको जिम्मा कविराज गहतराजले लिएका छन् भने छायाङ्कन दुर्गा पौडेलले गरेका हुन् । सम्पादन र रङ्ग संयोजनको काम मनोज कार्कीले गरेका छन् । हेर्नुस भिडियो
गीतले गाउँले जीवनको सरलता, माया र सांस्कृतिक पहिरनको विशेष आकर्षणलाई प्रस्तुत गरेको छ । बुलाकी र पान बुट्टे सारी जस्ता परम्परागत पहिरनप्रति आकर्षण गीतमा देखाइएको छ । यस म्युजिक भिडियोको निर्माण हाइटेक इन्टरटेन्मेन्ट र चोकस म्युजिकको सहकार्यमा गरिएको हो । यसअघि हाइटेकले मिलन नेवार र जोहेब मानन्धरको स्वरमा सजिएको तथा कर्मा शाक्य र रुबिना थापाको अभिनयमा जीवन्तता देखिएको ‘एक दिन’ म्युजिक भिडियो सार्वजनिक गरेको थियो ।
Discussion about this post