नेपालको प्रतिनिधित्व गर्दै ‘मिष्टर ग्लोबल २०२५’मा सहभागी हुन योगेश थाइल्यान्ड प्रस्थान

इटहरी/ थाइल्याण्डमा हुन लागेको अन्तर्राष्ट्रिय सौन्दर्य प्रतियोगिता ‘मिष्टर ग्लोबल २०२५’मा नेपालका योगेश श्रेष्ठ सहभागी हुने भएका छन् । सोमबार मध्यान्न नेपाल एयरलाइन्सको विमानमार्फत थाइल्याण्ड प्रस्थान गरेका श्रेष्ठले आगामी २५ सेप्टेम्बरदेखि ७ अक्टोबरसम्म बैंककमा आयोजना हुने उक्त प्रतियोगितामा नेपालको प्रतिनिधित्व गर्नेछन् ।

‘मिष्टर नेपाल २०२५’ का उपविजेता समेत रहेका श्रेष्ठले प्रतियोगितामा नेपाली कला, संस्कृति र पर्यटनलाई विश्वभरका ३६ भन्दा बढी देशका प्रतिस्पर्धीहरू माझ चिनाउने योजना रहेको बताएका छन् । उनले प्रतियोगितामा बुद्धको थिममा विशेष प्रस्तुति दिने र बुद्धका विभिन्न मन्त्रहरूमार्फत शान्तिको सन्देश फैलाउने योजना रहेको जानकारी दिए ।

श्रेष्ठले भाग लिने ‘मिष्टर नेपाल २०२५’ प्रतियोगिता नेक्स्ट मोडल्स नेपालद्वारा आयोजित थियो, जसले उनलाई उक्त अन्तर्राष्ट्रिय प्रतियोगितामा पठाएको हो । प्रतियोगिताको शिर्ष उपाधी जित्ने लक्ष्यका साथ श्रेष्ठलाई पठाइएको नेक्स्ट मोडल्स नेपालका सिइओ रवि धमलाले बताएका छन् ।