इटहरी/ नेपाली सांगीतिक क्षेत्रकी परिचीत गायिका अन्जु श्रेष्ठले आफ्नो नयाँ गीत ‘तिमीसंगै’ सार्वजनिक गरेकी छिन् । मिन गुरुङको शब्द तथा संगीतमा आधारित यस गीत गायिका श्रेष्ठ र पदम लुहारको युगल आवाजमा प्रस्तुत गरिएको हो । गीतको भिडियोमा चर्चित मोडल स्मारिका ढकाल र सुरेश कोहिलको उत्कृष्ट अभिनय देख्न सकिन्छ ।
यस गीतलाई निर्देशक रहेश पुमा राईले निर्देशन गरेका हुन् । दशैंको रौनकमा सार्वजनिक भएको यस गीतले मुग्लानी युवक र उनकी प्रेमिका बीचको गहिरो प्रेम र वियोगको भावनालाई चित्रण गरेको छ । ग्रामिण परिवेशको कथा बोकेको यो गीतको छायांकन उत्सव दाहालले गरेका हुन् भने सम्पादन विकाश दाहालले गरेका छन् । हेर्नुस् भिडियो ।
गीत सार्वजनिक भएदेखि नै गीत तथा भिडियोले सकारात्मक प्रतिक्रियाहरू प्राप्त गरिरहेको छ । अन्जु श्रेष्ठ नेपाली सांगीतिक क्षेत्रमा एक दशकभन्दा लामो समयदेखि सक्रिय छिन् । कलानिधि संगीत महाविद्यालयबाट शास्त्रीय संगीतमा शिक्षा हासिल गरेकी श्रेष्ठले आफ्नो सांगीतिक यात्रा तिज गीत ‘रातो साडी’ बाट सुरु गरेकी थिइन् ।
पछिल्लो समय उनले हरेक वर्ष तिज गीतहरू सार्वजनिक गर्दै आएकी छन् । आधुनिक, पप, देशभक्तिपूर्ण गीतहरू, गजल, र लोक आधुनिक विधाहरूमा आफ्नो स्वर भरिसकेकी श्रेष्ठले केही गीतहरूमा आफ्नै शब्द र अभिनय पनि समावेश गरेकी छिन् । विभिन्न अवार्डहरू जितिसकेकी श्रेष्ठको थप नयाँ गीतहरू पनि छिट्टै सार्वजनिक हुने तयारीमा छन् ।
Discussion about this post