जिन्दगीको मोडहरुमा प्रयाङ्क स्टार एलिस राई र विमला खजुम

इटहरी/ गायक सरगम राईको सुमधुर स्वरमा रहेको ’जिन्दगीको मोडहरुमा’ बोलको म्युजिक भिडियो सार्वजनिक भएको छ । यस गीतमा सरगम राईको शब्द तथा संगीत रहेको छ भने गीतमा फडिन्द्र राईको संगीत संयोजन गरेका हुन् । गीतमा दिपा लामाको समेत स्वर सुन्न सकिन्छ । युवापुस्ता माझमा निकै रुचाइएका प्रयाङ्क स्टार एलिस राईको परिकल्पना र निर्देशनमा तयार पारिएको म्युजिक भिडियोमा एलिसकै अभिनय रहेको छ भने उनलाई विमला खजुमले अभिनयमा साथ दिएकी छन् । हेर्नुस् भिडियो ।

गायक सरगम राईको यसअघि ’खुशी साटौ जुनी काटौ’, ’माया गाढा छ ’, ’पाती चढाउला’,’दुई मुटु’ लगायतका गीतहरु लोकप्रिय रहेका छन । भिडियोलाई निकै आकर्षक रुपमा प्रस्तुत गरिएको छ । जिवनका विभिन्न घटना क्रमहरुलाई सिलशिलाबद्ध रुपमा देखाउन खोजिएको छ । दुःख पछिको सुख र नव विवाहित जोडिले जिवनमा भोग्ने गरेको जिवन सघर्षलाई गीतलाई सफल रुपले चित्रण गरिएको छ । काठमाण्डौं र ललितपुरका रमणिय ग्रामिण परिवेशलाई गीतमा समेटिएको छ । सार्वजनिक भिडियोमा संकल्प भुजेलको छायाँकन, अनिल रानाको सम्पादन रहेको छ ।