बुवा सन्दीपको टुटेको संगीत सपना र छोरी टेनिसाको फुल्दै गरेको संगीत सपना

इटहरी/ सुनसरीको इटहरी निवासी टेनिसा परियार यतिबेला भ्वाइस अफ किड्समा प्रतिष्पर्धा गरिरहेकी छन् । यता उनको बुवा पनि आफैमा गायक तथा संगीतकार हुन् । तर, अरुको पसल अगाडि लुगा सिलाउने मेसिन राखेर दैनिक गुजारा चलाउने गर्छन् । अहिले छोरिलाई भ्वाइसको उपाधी जिताउने सपना सहित लुगा सिलाउने ठाउँमा भोट अपिलको ब्यानर सहित छोरिलाई भोटका लागी मेहनत गरिरहेका छन् । लुगा सिलाउन आउनेहरुलाई आफ्नी छोरीलाई भोट गरिदिन आग्रह समेत गर्छन् । कामबाट कमाएको दैनिक १५ सय काठमाडौमा आफ्नो छोरी टेनिसा र श्रीमतीको लागी पठाउछन् ।
यस्तो छ टेनिसालाई भोट गर्ने तरिका:
टेनिसा यतिबेला कोचहरुको हातबाट आम दर्शकको निर्णायकिय भुमिकामा आइसकेकी छन् । अब दर्शकको निर्णय भनेको भोट नै हो । जसको लागी टेनिसालाई भोट गर्न आफ्नो मोबाइलमा भएको खल्ती एपमा गई त्यहाँ भोटिङ भन्ने अप्सन आउँछ । त्यसमा क्लिक गरिसकेपछी ‘द भ्वाइस अफ किड्स’को ब्यानर मुनि देखिने ‘भोट नाउ’ मा क्लिक गर्नुपर्नेछ । त्यसपछि देखिने ४ कोचहरु मध्ये ‘कोच छेवाङ’मा क्लिक गरेर अन्तिम लाईनमा टेनिसाको तस्विर सहित ‘भोट’ भन्ने अप्सन देखिनेछ । त्यहाँ क्लिक गरेपछि एक भोट फ्रीमा गर्न मिल्छ भने खल्ति एपमा तपाईले बैंक एकाउण्ट लिंक गर्नुभएको छ भने २ भोट फ्रीमा गर्न मिल्छ । त्यसभन्दा बढी भोटको लागी भने प्रति भोट १० रुपैयाँको दरले शुल्क लाग्नेछ । यस्तै नेपाल बाहिरबाट भोट गर्दा भने खल्ती एपको वेबसाईट www.khalti.com बाट सोही प्रक्रियाले गर्न सकिन्छ । अहिले टेनिसालाई अत्याधिक भोटको जरुरत भएकोले सक्दो भोट गर्न आवस्यक छ ।

यस्तो छ बुवाको टुटेको संगीत सपना र छोरीको फुल्दै गरेको संगीत सपना:
टेनिसाको बुवाको बुवाको नाम सन्दीप परियार हो । बर्षौ देखी सन्दीपले इटहरीमा अरुको पसल अगाडि कपडा सिलाउने टेलर चलाएर गुजारा चलाउदै आएका छन् । उनी श्रीमती, एक छोरा र एक छोरी सहित इटहरीमा डेरा लिएर बस्छन् । २०६२ सालमा आफुलाई अंशमा आएको डेढ कट्ठा जग्गा बेचेर एल्बम निकालेका उनले गायक बन्ने हुटहुटीले च्यापेपछी झण्डै २ दशक यसैमा रुमल्लिए । तर, अन्ततः हार खाए । कयौं प्रयासहरु गरे । अडियो निकाले, आफू ती गीतहरुले चल्छु भन्ने लागेर एफएम रेडियोहरुमा बजाउन दिए । सोचेको पूरा भएन ।

बिस्तारै भिडियोको जमाना आयो । त्यताबाट पो चल्न सकिन्छ कि भनेर दिनरात इटहरीको चोकमा टेलर घुमाउदै कपडा सिलाएर जोहो गरेको पैसाले र अरुलाई सहयोग मागेर आफ्ना केही गीतको म्युजिक भिडियो पनि निकाले । तर, त्यसले पनि उनको सपना पूरा गर्ने यात्रालाई धक्का लगायो । अब सकिन्न भनेर हारेका उनले आफ्नो सपना पूरा गराउन छोरीलाई अगाडि सारे । सन्दीपको त्यही २ सीप हो । एउटा गायन सीप, काम लागेन । अर्को सीप, लुगा सिलाउने । अहिले उनी यहि लुगा सिलाउने सिपलाई नै ध्यान दिएर छोरीलाई भ्वाइस अफ किड्समा आफ्नो सपनाको महत्त्वपूर्ण अंश बनाएर पठाएका हुन् ।

यो प्रयास र सुरुवात अहिले हैन । सन्दीपले यसअघिको सिजनमा समेत टेनिसालाई पठाएका थिए । तर, विडम्बना टेनिसाले कुनै कोचलाई फर्काउन सकिनन् । जिन्दगीमा हालले निखार ल्याउछ भन्ने लागेर सन्दीपले छोरिलाई अझै साधनामा तल्लिन गराए । आफुले नै छोरिलाई सिकाउथे । साधनाको अन्त्य त कहिले हुँदैन । तर, यो १ वर्षको अन्तरमा टेनिसामा अगाडि बढ्ने ज्ञान र हिम्मत बढ्यो । त्यसैले नै हो, अहिले द भ्वाइस अफ किड्सको तेस्रो संस्करणमा ४ जनै कोचलाई घुमाउदै धमाकेदार इन्ट्री गरिन् । त्यसपश्चात् ब्याटल राउण्ड र लाईभ राउण्ड हुँदै अहिले दर्शकको माझमा आइपुगेकी छन् । ४ जना कोच घुमाउँदा कोच मेलिनालाई रोजेकी उनलाई ब्याटर राउण्डबाटै कोच मेलिनाले छोडिन् ।

तर, उनको प्रतिभालाई अझै निखारेर अगाडि बढाउन सकिन्छ भनेर कोच छेवाङले स्टिल गरे । बुवाको सपना पूरा गर्ने सपना बोकेर त्यहाँ पुगेकी टेनिसा झण्डै बाहिरिएकि थिइन् । तर, कोच छेवाङले स्टिल गरेर लाईभ राउण्डमा अझै निखारिएर उनि प्रस्तुत भईन् । सबै कोचको तारिफले दङ्ग परेकी टेनिसाले आफ्ना फ्यान फलोईङ पनि प्रस्तुती मार्फत बढाउदै गैरहेकी छन् । तर, उनलाई उपाधी जित्न र अगाडि बढ्नलाई प्रस्तुतीमा अझै निखारताको जरुरत त अवस्य छ । तर, त्यो भन्दा उपाधी जित्ने अन्तिम अस्त्र भनेको भोटिङ नै रहेको छ । त्यसैले अहिले उनको जन्मथलो इटहरीमा क्याम्पियन नै चलाएर भोट अपिल समेत भैरहेको छ ।