मनको कुरा मान्ने पक्षमा पुगे समिर सुबेदी र ऋचा थापा

इटहरी/ बिगत एक दशक देखि मोडलिङ्ग र अभिनयमा रमाउदै आएका मोडल, कलाकार तथा पत्रकार समीर सुवेदी अभिनित ‘अब त्यही गरौंला यो मनले जे भन्छ’ बोलको गीतको म्युजिक भिडियो सार्वजनिक भएकाे छ । गायक सुमन केसी र अनु चौधरीको आवाजमा अम्बिका गुरुङको शब्द, लेखु सहयात्रीको संगीत सो गीतमा रहेको छ । म्युजिक एरेन्ज, मिक्सिङ, माष्टरिङ सुमन केसीकै रहेको छ । पोस्ट प्रोडक्सन सफल मोसनले गरेकाे हाे । सहायक छायांकन र ड्रोन आर डी दुलालले गरेका हुन ।

सम्पादन, रङ्गरोगन तथा पोष्टर बिष्णु खड्काले गरेका छन भने भिडियोको छायांकन र निर्देशन चिलगाडी फिल्मसका सुरेश काफ्लेले गरेका हुन । उक्त भिडियो मंगलबार ४ बजे भाबसगर इन्टरटेमेन्ट युटुव च्यानल मार्फत सार्वजनिक भएको छ ।
भिडियोमा समीर सुवेदीलाई ऋचा थापाले साथ दिएकी छिन । भिडियोमा दुबैको गज्जबको अभिनय देख्न सकिन्छ ।
रंगमञ्चबाट अभिनय साथै मोड्लिङ्ग सुरुवात गरेका सुबेदीले विभिन्न टेलीसिरियलमा समेत अभिनय गरेका छन । हेर्नुस् भिडियो ।

उनले राष्ट्रिय टेलिभिजनबाट प्रसारण हुने हास्य टेलि शृखलामा “चिबे बुढो” पात्रबाट लामो समय अभिनय गरे । हास्यटेली सिरियल “हास्नु हुन्न है” साथै कान्छी बुहारीको लेखन तथा निर्देशन समेत गर्दै आएका समिर पत्रकारिता समेत गर्छन । सडकमा अलपत्र परेका साथै विपन्न परिवारका मानिसलाई सहयाेग गर्दै आएका समिर अहिले चर्चामा छन । यसअघि उनको अभिनय रहेको मेलिना राईको स्वर, दिपक ओलिको संगीतमा ‘राम राम तिम्रो कसम’ निकै रुचाइएको थियो । सुमन केसीकै ‘रङ्दैन मन’मा अभिनय गरेकाे दुई महिनामा फेरि उनको अर्को भिडियो आएको हो । दर्जनौ गितका भिडियोहरुमा अभिनय गरिसकेका समिर कोशी प्रदेशबाटै संघर्ष गर्दै निकै राम्रो अभिनय गरेर आफुलाई प्रमाणित गरेका छन । उनले यसरी नै अवसर पाए निकै माथी पुग्ने संभावना देखिन्छ ।