अभिनेता पल शाह जेल परेको भिडियो २ दिनमा १२ लाख भन्दा बढी पटक हेरियो

इटहरी/ पल शाह अब निर्देशक समेत बनेका छन् । मोडल हुँदै नायक पछि उनी म्युजिक भिडियो निर्देशनमा डेब्यु गरेका हुन् । बालिका बलात्कार मुद्दामा जेल परेका शाह छुटे लगत्तै ‘तिमिलाई हेर्ने बानी पर्यो’ बोलको गीतको फिमेल भर्सनबाट निर्देशनमा डेब्यु गरेसंगै सो भिडियो मा अभिनय पनि उनकै रहेको छ । यतिबेला उक्त भिडियोलाई युट्युबमा २ दिनको अवधिमा १२ लाख भन्दा बढी पटक हेरिएको छ ।

सार्वजनिक भिडियोमा पल शाहले आफ्नै वास्तविक जिवनका घटनालाई दुरुस्तै उतार्ने प्रयास गरेका छन् । यथार्थमा समेत जेल जीवन भोगेका उनले भिडियोमा सोही दृश्यलाई देखाएका छन् । हेर्नुस् भिडियो ।

अनु चौधरीको स्वर रहेका गीतमा पुष्पन प्रधानको शब्द, संगीत रहेको छ । भिडियोले युट्युबमा सकारात्मक प्रतिक्रिया बटुलिरहेको छ । पललाई भिडियोमा सनिशा भट्टराईले मुख्य भुमिकामा अभिनय गरेकि छन् भने प्रकाश अधिकारी, शुर्यमाला खनाल, प्रीन्शु तिवारी, अर्बिन पोमु लिम्बू, दमन न्यौपाने, रोशन कालिकोट, खेम लामिछाने, सुरक्षा भट्टराई लगायतको समेत अभिनय रहेको छ । बुद्ध थापाले छायांकन गरेको भिडियोलाई सुप्रीम पराजुलीले सम्पादन गरेका छन् । भिडियोलाई पल शाहको अफिसियल युट्युब च्यानलबाट सार्वजनिक गरिएको छ ।