सकम्बरीलाई सफलता: विवाद छिचोल्दै २५ दिनमा २५ मिलियन

इटहरी/ प्रकाश सपुतको केहि साताअघि सार्वजनिक गीत ‘सकम्बरी’ ले सार्वजनिक भएको ७ दिनमै १ करोड भ्युज युट्युबमा प्राप्त गरेको थियो भने हालै सार्वजनिकको २५ दिन पुग्दैगर्दा २५ मिलियन भ्युज युट्युबमा प्राप्त गरेको छ । भिडियो सार्वजनिक भएको केही घण्टा पश्चात् नै युट्युब ट्रेन्डिङको पहिलो स्थान कब्जा गरेको भिडियो लामो समयसम्म ट्रेन्डिङको पहिलो स्थान कब्जा गरेको थियो । यो समाचार तयार गर्दैगर्दा समेत युट्युब ट्रेन्डिङको चौथो स्थानमा रहेको छ ।

नेपाली म्युजिक भिडियोको इतिहासमा छोटो अवधिमा ट्रेन्डिङको अग्रभागमै रहेर युट्युबमा यतिधेरै भ्युज पाउने यो भिडियोले पहिलो रेकर्ड बनाएको छ भन्न सकिन्छ । विवादको बिचमै सकम्बरीले यो समाचार तयार गर्दै गर्दा २ करोड ५३ लाख ८ सय भ्युज प्राप्त गरेको छ भने नजिक लाईक पाएको छ भने ५ लाख ३० हजार भन्दा बढी भिडियोको कमेन्ट सेक्सनमा सकारात्मक प्रतिक्रिया प्राप्त गरेको छ । हेर्नुस् भिडियो ।

यो गीतले अत्याधिक आलोचना पाइरहेको छ । तर, न त कानुनी प्रक्रियामा सकम्बरी गीत पुग्यो, न त सर्जकलाई कुनै संघसंस्थाले आपत्ति जनायो वा कसैको दबावमा गीत युट्युवबाट डिलेट नै गर्न लागाईयो । यसर्थ फेसबुकको ती पोस्ट र आलोचना मात्रै कथा सावित भयो भन्दा फरक नपर्ला । सिर्जना बुझ्ने अनेक बाटो वा प्रक्रिया हुन्छन् । सिर्जनामा सबैको सोच र सबैको बुझाई एकै हुन्छ भन्ने हुदैन । तर, समाजको यथार्थ कथालाई कलात्मक ढङ्गले प्रस्तुत गर्नु, त्यो कदापी अपराध वा गलत हैन । सपुतको यो गीत तथा भिडियोले पुरुषतन्त्रको एकाधिकार र महिला माथी हुने नकारात्मक फाइदालाई स-चित्र प्रष्ट्याएको छ ।