स्मारिका लम्सालले जितिन् ‘स्कुल प्रिन्सेस वर्ल्ड २०२३’ को उपाधि

इटहरी/ सातौ ‘स्कुल प्रिन्सेस वर्ल्ड २०२३’ को शिर्ष उपाधी साउथ वेस्टर्न स्कुल बसुन्धरामा अध्ययनरत स्मारिका लम्सालले जितेकी छन् । आर.के. इन्टरटेनमेन्ट ग्रुपद्वारा २०१४ देखि आयोजना शुरुवात गरिएको प्रतियोगितामा आफ्ना १४ प्रतिष्पर्धीलाई पछि पार्दै लम्सालले उपाधी जितेका हुन् । प्रतियोगितामा प्रिन्सेस युनिभर्स तर्फ श्रेया पोखरेल, प्रिन्सेस अर्थ तर्फ काव्या ओली, प्रिन्सेस ईन्टरनेशनल महर्षा गैरेको साथै प्रिन्सेस एम्ब्रेसडोरको ताज प्रसंशा खतिवडाले हात परेकी छन् ।

शिर्ष उपाधी विजेतालाई निर्णायक मण्डलहरुद्वारा संयुक्त ट्रफी र ताज पहिराइ संगै छात्रबृत्ति सहित विभिन्न उपहारहरु प्रदान गरिएको छ । साथै उनलाई अन्तराष्ट्रिय मञ्चमा जाने अवसर समेत प्रदान गरिएको छ । त्यसैगरि ग्राण्ड फिनालेबाट अन्य टाईटल विजेताहरुलाई विभिन्न उपहार सहित ताज पहिराइएको थियो । भबिष्यका कर्णधार बालिकाहरुलाई हौसला बढाउनको लागि, उनीहरुको लुकेका क्षमता र कला प्रदर्शन गर्ने उपयुक्त माध्यम बन्नको लागि यो कार्यक्रम लामो समयदेखि आयोजना गरिदै आएको आयोजकले आयोजक संस्थाका संचालक लक्की राम के.सीले बताए ।

‘स्कुल प्रिन्सेस वर्ल्ड २०२३’ मा प्रतिष्पर्धीहरुको लागि सम्पूर्ण ड्रेस सेन्ट्रल फेसन हव कोटेश्वर र कुपन्डोलले डिजाइन गरेको थियो । कार्यक्रममा समाजसेवी किशन राज श्रेष्ठको प्रमुख आतिथ्यता रहेको थियो भने निर्णायक मण्डलीमा मोडल दीपक घिमिरे, सरोज प्याकुरेल, प्रिन्सेस अप्रिल लामा, हन्रिक बिक्रम शिजपति, मिस नेपाल रनरअप निर्मला बस्नेत रहेका थिए । निशा आचार्यको कोरियोग्राफी रहेको प्रतियोगितामा निलम शर्मा कोडिनेटर थिए भने प्रतियोगिताको फाइनल कार्यक्रम संचालन लक्की राम के.सी ले नै गरेका थिए ।