इटहरी/ पत्रकारितासंगै मोडलिङ तथा टेलिफिल्म निर्देशकिय यात्रा एकसाथ अगाडि बढाईरहेका समीर सुवेदी मोडल गीता ढुंगानासंग रोमान्टिक देखिएका छन् । भर्खरै सार्वजनिक एक म्युजिक भिडियोमा यी २ को क्यामेस्ट्री खुब जमेको देख्न सकिन्छ । सार्वजनिक ‘रङ्गदैन मन’ बोलको गीतको भिडियोमा समीर र गीता फिचर्ड भएका हुन् ।
चलचित्र पत्रकार संघ नेपाल झापाका उपाध्यक्षसंगै सुपर अनलाइन मिडियाका संचालक समेत रहेका समिरको सार्वजनिक भिडियोमा अभिनय गज्जबले खुलेको छ । गायक सुमन केसी र गायिका अनु चौधरीको स्वर रहेको यो गीतलाई अभि अजनभीले लेखेका हुन् । हेर्नुस् उक्त गीतको भिडियो ।
यो गीतमा दिपेन्द्र थिङको संगीत समावेस गरिएको छ भने सार्वजनिक भिडियोलाई साजन कट्टेलले निर्देशन गरेका हुन् । दिनेश पराजुलीले छायांकन गरेको भिडियोलाई विष्णु खड्काले सम्पादन गरेका छन् ।
Discussion about this post