इटहरीमा भ्यालेन्टाईन्स डे तथा सरस्वती पुजाको अवसरमा ‘द एज ब्याण्ड’ले प्रस्तुति दिने

इटहरी/ आउँदै गरेको भ्यालेन्टाईन्स डे तथा सरस्वती पुजाको अवसर पारेर आगामी फागुन २ गते इटहरीमा १ दिने बृहत् ‘फुड एन्ड म्युजिक फेस्ट-२०२४’ को आयोजना गरिने भएको छ । आयोजक संस्था ग्लोबल ड्रीम्स म्यानेजमेन्टले इटहरीमा अवस्थित शान्ती पार्टी प्यालेसमा आयोजना गरेको पत्रकार सम्मेलनबाट यो कुराको जानकारी गराएको हो । उक्त कन्सर्टको मुख्य आकर्षणको रुपमा देश तथा विदेशमा लोकप्रिय ‘ड एज ब्याण्ड’ रहने आयोजकले जनाएको छ ।

‘ड एज ब्याण्ड’को ‘तिम्रो याद’, ‘नचाहेको हैन’, ‘मेरो आँशु’, ‘थाहा छैन’, ‘गन्तब्य’ जस्ता गीतहरु युवापुस्ता माझ लोकप्रिय छन् । त्यस्तै सुदन राई एण्ड व्याण्ड, पुर्ण राई एण्ड दाजुभाई लगायतको ब्याण्डहरुको पनि प्रस्तुति रहने बताईएको छ । खानाका परिकारहरुसंगै संगीतमा झुम्न जो कोहीलाई मनपर्ने हुनाले यो एकदिने ‘फुड एन्ड म्युजिक फेस्ट’को आयोजन गर्न लागिएको आयोजक संस्था ग्लोबल ड्रीम्स म्यानेजमेन्टका अध्यक्ष स्मित कार्किले जानकारी गराए ।

यो बृहत कन्सर्टले इटहरीको पर्यटकिय क्षेत्रलाई चलायमान बनाउन सहयोग पुग्ने अपेक्षा रहेको अध्यक्ष कार्कीले बताए । इटहरीको दिपेन्द्र चोक नजिकै रहेको सानो जनता स्कुलको खेल मैदानमा यो कन्सर्ट ११:३० बजेदेखी सुरु हुनेछ । कन्सर्टको लागी ३०० प्रीसेल्स र ५०० रुपैयाँ डोरसेल्स टिकटको ब्यवस्था गरिएको पत्रकार सम्मेलनमा जानकारी गराईयो । नाफा कमाउने उद्देश्य मात्रै नभएर यो कार्यक्रमबाट संकलित रकमबाट केही रकम असाह बालबालिकाहरुका लागी वुल्स ईलेभेन नामक संस्थासंग मिलेर सामाजिक कार्य समेत गर्ने आयोजकको भनाई छ ।