इटहरी/ स्वर्गीय गायिका निरा छन्त्याल द्वारा स्वरबद्ध पछिल्लो गीत सार्बजनिक भएको छ । उनको २०७९ साल माघ १ गते पोखरामा बिमान दुर्घटनामा परी निधन भएको थियो । बागलुङ्ग जिल्लामा जन्मिएकी निरा अशंख्य श्रोता तथा दर्शकहरु माझ आफ्नो सुमधुर स्वरको माध्यमबाट आज पनि जीवित छिन् । उनको स्वर रहेको गीत ‘घर हाम्रो खोटाङ्गको चिसापानीमा’ बोलको गीत सार्वजनिक भएको छ । यो गीत नबिन योगीको प्रस्तुतिमा सार्बजनिक भएको हो ।
यो गीत गायिका निराको स्वरमा रहेको अन्तिम गीत हो । जसलाई उनको निधनको पहिलो पुण्यतिथिको अवसर पारेर भिडियोको रुपमा सार्वजनिक गरिएको हो । उक्त गीतमा निरासंगै लोकप्रिय गायक तथा सर्जक बिनोद ढकालको सुमधुर स्वर सुन्न सकिन्छ । सार्बजनिक गीतलाई नबिन योगीले लेखेका हुन् भने संगीत गायक स्वयम् बिनोदले भरेका छन् । गीतमा बाचुन्जेल हामि किन गर्छौं तेरो र मेरो ? मरिजाने चोलामा हाँसखेल गरेर नै जिबन बिताउ भन्ने किसिमको भाव समाबेश गरिएको छ । हेर्नुस भिडियो
गीतले खोटाङ्ग जिल्लालाई आन्तरिक पर्यटन प्रबर्धनमा पनि टेवा पुग्ने बिश्वास गर्न सकिन्छ । ‘घर हाम्रो खोटाङ्गको चिसापानीमा’ बोलको गीतको म्युजिक भिडियोमा बिनोद ढकाल, रिना गुरुङ्ग, रबिन्द्र रिमाल र आशिक खातीको आकर्षक अभिनय देख्न सकिन्छ । यस गीतको म्युजिक भिडियोलाई निर्देशन मिलन श्रेष्ठले गरेका हुन् भने छायांकन बिशाल गोंबा र सम्पादन रोशन धितालले गरेका छन् ।
Discussion about this post