गायक प्रितम आचार्यको ‘एक दिन’ सार्वजनिक, ‘लिटिल मिस्टर एण्ड मिस इटहरी’ फिचर्ड

इटहरी/ भारतीय गायन रियालिटी शो सारेगमप लिटिल स्टारमा गएर लोकप्रिय भएका गायक प्रितम आचार्यको नया गीत सार्वजनकि भएको छ । उनको स्वरमा रहेको ‘एक दिन’ बोलको गीतलाई इटहरी आर्टस एण्ड फाउन्डेसनको प्रस्तुतिमा सार्वजनीक गरिएको हो । रमेश प्रसाईँको शब्द तथा संगीत रहेको उक्त गीतमा डान्सर, गायक तथा कलाकार तुलसी घिमिरेको पनि स्वर रहेको छ ।

रोहन देवकोटाले एरेन्ज र उत्सव आचार्यले मिक्सिङ मास्टरिङ गरेका गीतको भिडियोलाई तुलसी घिमिरे अफिसियल युट्युब च्यानलबाट सार्वजनिक गरिएको छ । भिडियोमा ‘लिटिल मिस्टर एण्ड मिस इटहरी २०७९’ का बिजेताहरु प्रथम लिटिल मिस्टर इटहरी रिहान दाहाल, प्रथम लिटिल मिस इटहरी नम्रता श्रेष्ठ, फर्स्टरनरअप अर्चित भट्टराई तथा रिहाना ओझा, सेकेण्ड रनरअप दृष्य बराल तथा बिमिसा रेग्मीलाई फिचर्ड गरिएको छ । हेर्नुस भिडियो ।

सार्वजनिक गीतको भिडियोलाई तुलसी घिमिरेले निर्देशन गरेका छन् भने संयोग जंग बिष्टले छायांकन तथा सम्पादनको कार्य गरेका हुन् । इटहरी तथा मोरङको रमणीय स्थल ओसियन पार्क, गोकुलम रिसोर्ट, रंगशाला लगायत ठाउमा छायांकन गरिएको भिडियोलाई इटहरीमा अवस्थित ड्रिम्स फोटोग्राफीले पोस्ट प्रोडक्सन गरेको हो ।