आख्यानकार तथा कथाकार सबु सुवेदीले सुरु गरिन् ‘टपिकलेस’ पोडकास्ट

इटहरी/ सन् १९८० बाट ‘अडियो ब्लग’को रुपमा सुरुभएर पछिल्लो समय अडियोमा सुन्न सकिने ‘पोडकास्ट’ भएसंगै अहिले यसको विस्तारित रुप भिडियोमा समेत लोकप्रिय हुँदैछ । नेपालमा भिडियो पोडकास्ट उत्पादन गर्नेहरुको ठुलै जमात हुन थालेको छ । यस्तैमा आख्यानकार तथा कथाकार सबु सुवेदीले पनि पोडकास्ट सुरु गरेकी छन् । उनले ‘टपिकलेस’ नाममा पोडकास्ट सुरु गरेकी हुन् । अङ्ग्रेजी नयाँ वर्ष २०८० को शुभारम्भ संगै उनले ‘टपिकलेस’ पोडकास्टको पहिलो एपिसोड जनवरी १ तारिखमा सार्वजनिक गरेकी छन् । हेर्नुस् ‘टपिकलेस’को पहिलो एपिसोड ।

उनले पोडकास्टको पहिलो एपिसोडमा संचारकर्मी, लेखक तथा उत्प्रेरक रामप्रसाद खरेललाई अतिथिको रुपमा निम्त्याएकि छन् । खरेल संचार क्षेत्रमा विगत २ दशकदेखी निरन्तर लागिरहेका छन् भने महानवाणी, रे ‘सकारात्मक सोच र जीवन उर्जा’, रेडियो पत्रकारिता, अक्षरमा मान्छे, प्रचण्ड: जनयुद्धका नायक जस्ता पुस्तकहरु समेत सार्वजनिक गरेका छन् । पछिल्लो समय उनले ‘बोल्ने कला’ नाममा पुस्तक समेत सार्वजनिक गरेका छन् । जस्मा उद्घोषण, भाषण र नेतृत्वविकासका लागी उपयुक्त सामग्रीहरु समावेश गरिएको छ भने यो कितावलाई उनले भिडियो संस्करणमा समेत सार्वजनिक गर्दैछन् । सुवेदीको पहिलो एपिसोडमा यो किताबको बारेमा समेत चर्चा गरिएको छ ।

पोडकास्टर बनेका आख्यानकार तथा कथाकार सबुले पनि २०७५ सालमा ‘मन्जुषा’ नामक उपन्यास सार्वजनिक गरेकी थिइन् भने २०७२ साल अर्थात ८ वर्षअघि ‘चलेछ बतास सुस्तरी’ नामक फिल्म निर्देशन समेत गरेकी थिइन् । विवाह बन्धनमा बाँधिएपछी यो क्षेत्रबाट सुस्ताएकी सबुले पोडकास्ट संगै आफ्नो पुनः कमब्याक भएको बताएकी छन् । उनले ‘Topicless with Sabbu Subedi-Podcast’ नामक युट्युब च्यानलमा हरेक साताको सोमबार पोडकास्ट सार्वजनिक गर्नेछिन् । पोडकास्टमा उनले साहित्यकार, कलाकार, महिला उद्धमी जस्ता सामाजिक व्यक्तित्वहरुलाई हरेक साता निम्त्याउने र दर्शकहरुका लागी जानकारीमुलक, ज्ञानवर्धक र समसामयिक कुराकानीहरु गर्ने जानकारी गराएकी छन् ।