इटहरी/ बालबालिकाहरुको सौन्दर्य तथा बौद्धिक प्रतियोगीताको रुपमा आयोजना हुँदै आएको ‘पुर्वान्चल लिटिल स्टार’ को पाचौं संस्करण आयोजन हुने भएको छ । यसअघि यो प्रतियोगिताको ४ ओटा संस्करण सफल रुपमा सम्पन्न भैसकेको छ । साइमन फिल्म्स एन्ड इन्टरटेन्मेन्ट तथा ओजस फिल्म्स प्रालीको आयोजनामा हुने यो प्रतियोगितालाई डेग्लो क्याफे रेस्टुरेन्ट एन्ड बारले मुख्य प्रायोजन गर्ने भएको छ ।
यो प्रतियोगिताको पहिलो अडिसन यहीँ मंसिरको ३० गते सनिवार हुदैछ । झापा भद्रपुरको सगरमाथा चोकमा अवस्थित डेग्लो क्याफे रेस्टुरेन्ट एन्ड बारमा १ बजेदेखी ५ बजेसम्म अडिसन लिइने आयोजक संस्थाका संचालक साइमन राजबंशीले जानकारी गराए । बालबालिकाहरुको सौन्दर्यतासंगै क्षमता अभिबृद्धी तथा भित्री कलालाई बाहिर ल्याउने र सबैमाझ प्रस्फुटन गर्ने मुख्य उद्देश्य रहेको आयोजक राजबंशिले बताए ।
प्रतियोगितामा ७ देखि १४ वर्ष उमेर समुहका बालबालिकाले सहभागी हुन पाउनेछन् । प्रतियोगितामा सहभागी हुन इच्छुकका लागि आवेदन खुल्ला भएको आयोजकले जनाएको छ । यसबारे बुझ्नका लागि ९८०६०५८१६१ र ९८५११०२१४७ मा सम्पर्क गर्न सकिनेछ । त्यस्तै बिजेता तथा उप-बिजेताहरुले २ लाख लागतमा बन्ने कभर गीतको भिडियोमा फिचर्ड हुने मौका समेत पाउनेछन् । साथै अन्य आकर्षक पुरस्कार तथा अवार्ड र क्राउन प्रदान गरिने छ ।
यो कार्यक्रमको निर्देशक समेत रहेका साईमन नेपाली तथा भोजपुरी म्युजिक भिडियो उधोगका चिनिएका कोरियोग्राफर हुन् । थुप्रै नेपाली फिल्मको गीतहरुमा समेत कोरियोग्राफी गरेका उनले हिन्दी गीतहरुमा पनि कोरियोग्राफी गरेका छन् । उनको बलिउडमा जि टिभीको कोरियोग्राफर भएर काम गरेको अनुभव छ भने अभिजित शावन्त, प्रशान्त तामाङलगायतका सेलेब्रेटीहरुसंग पनि काम गरेका छन् ।
‘पुर्वान्चल लिटिल स्टार’ पाचौं संस्करणको अफिसियल फोटोग्राफी तथा भिडियोग्राफी पार्टनर ‘परिकला फोटोग्राफी’, मिडिया कोअर्डिनेटर सुवास श्रेष्ठ संकल्प हुन् । अफिसियल मिडिया पार्टनरको रुपमा परिकला न्युज रहेको छ । कार्यक्रम अवधिभरमा सहभागीहरुले कोरियोग्राफी तथा सौन्दर्यता सम्बन्धी तालिम प्राप्त गर्ने छन् । त्यसैगरी फिनालेको समयमा आयोजकका तर्फबाट सम्पुर्ण सहभागीलाई ड्रेसको तयारी, ट्रेनिङ टि-सर्ट, प्रोफेसनल फोटोसुट, नृत्य तथा संगीतको कक्षा, सेलेब्रेटीहरुसंग भेट, मोटिभेसनल, पर्सनालिटी डेभलपमेन्ट, मास-कम्युनिकेसन लगायतको अवसर प्रदान गरिनेछ ।
Discussion about this post