सिमा रक्षाको कथामा ‘काँडेतार’, सार्वजनिक भयो शीर्ष गीत (भिडियोसहित)

इटहरी/ नेपाल-भारत सिमा विवादलाई प्रमुख बिषय बनाएर निर्माण गरिएको नेपाली कथानक फिल्म ‘काँडेतार’को शीर्ष गीत तथा भिडियो सार्वजनिक गरिएको छ । युट्युब मार्फत शनिवार सार्वजनिक गीतमा राष्ट्र भावले ओतप्रोत देखिन्छ । गीत सार्वजनिक पश्चात् सकारात्मक प्रतिक्रिया पाएको भिडियोमा नवल खड्का, सुरविना कार्कीसहित फिल्मका प्रमुख कलाकारको अभिनय रहेको छ । फिल्मको यसअघि टिजर सार्वजनिक गरिएको थियो । हेर्नुस् सार्वजनिक गीतको भिडियो यस्तो बनेको छ ।

प्रदर्शन मिति भने तय नभैसकेको फिल्मको सार्वजनिक गीतको भिडियोमा नवल र सुरविना संगै रेविका गुरुङ, गौरव पहारी, प्रेम सुब्बा, संजय खतिवडा, प्रशान्त यादव, मुरलिधरण,रोमियान लिम्बू, पुष्पा श्रेष्ठ र रवि शाह फिचर्ड छन् । काँडेतार’मा अभिनेताका रुपमा प्रस्तुत भएका नवल यो फिल्मको निर्माता समेत हुन् भने कथा पनि उनैले तयार पारेका हुन् । फिल्म निर्माणमा उनी संगै माकिको राई र अन्जु केसी समेत निर्माताको रुपमा छन् भने कार्यकारी निर्मातामा गायिका समेत रहेकी सत्यकला राई छिन् ।