इटहरी/ प्राय: गीत रिलिज पश्चात विवाद र आलोचनाको घेरामा पर्ने दुर्गेश थापाले तीजलाई लक्षित गरेर ‘दुर्गा नाच्छे बिच बिच्चमा’ सार्वजनिक गरेका छन् । भिडियोमा गायक दुर्गेश नै तेश्रोलिंगीकको अवतारमा दुर्गा बनेर फिचर्ड भएका छन् । सार्वजनिक गीत यसअघिका बर्षहरुमा उनले सार्वजनिक गर्दै आएका ‘बिच्च बिच्चमा’ को छैठौ सिरिजको रुपमा सार्वजनिक गरेका हुन् । गीतमा दुर्गेश र गायिका सुस्मिता कोइरालाको स्वर समावेश गरिएको छ । सार्वजनिक गीत दुर्गेशले नै लेखेका हुन् भने संगीत पनि उनकै हो ।
गीतलाई साहस शाक्यले एरेन्ज गरेका छन् । दुर्गेश दुर्गा बनेर छमछम नाचेको भिडियो यतिबेला युट्युब ट्रेण्डिङ्गको म्युजिक क्याटोगरिको ५ औ स्थानमा पुगेको छ । भिडियोले राम्रो प्रतिक्रिया पाएसंगै युट्युबमा ४ लाख भन्दा बढि पटक हेरिएको छ । डि सिरिजको प्रस्तुतिमा बनेको भिडियोलाई दुर्गेशकै मातहतमा रहेको युट्युब च्यानलबाट सार्वजनीक गरिएको छ । हेर्नुस् भिडियो
सार्वजनिक भिडियोमा दुर्गेश संगै प्रकाश भुजेल र सुजाता खड्का पनि फिचर्ड भएका छन् । भिडियोलाई नवराज उप्रेती बिजेश श्रेष्ठ छायांकन गरेका हुन् । गीतका गायक तथा मोडल दुर्गेश र मौसम हिमालीको निर्देशनमा तयार भएको भिडियोलाई हिमालीले कोरियोग्राफी गरेका छन् । उक्त भिडियोलाई मनोज कार्कीले सम्पादन गरेका हुन् ।
Discussion about this post