छोटो समयमै गायक सुशान्त केसीको ‘सारंगी’ १ करोड नजिक

इटहरी/ लोकप्रिय गायक सुशान्त केसीले ६ वर्षअघि तयार गरेको ‘सारंगी’ गीतको भिडियो यतिबेला युट्युबमा अत्याधिक रुचाईएको छ । सार्वजनिक गीतमा सुशान्तकै संगीत समावेश गरिएको छ । भिडियो युट्युबमा सार्वजनिक भएको १० दिन पुग्ने लाग्दा झन्डै ७० लाख पटक हेरिएको छ । छोटो समयमा यतिधेरै भ्युज पुगे पनि सकम्बरीको रेकर्डलाई भने तोड्न सकेन । प्रकाश सपुतको सकम्बरीले ७ दिनमा १ कोड भ्युज पाउदै रेकर्ड बनाएको थियो । सुशान्तको सार्वजनिक भिडियोमा अन्ना शर्मा र सुशान्त केसी फिचर्ड छन् । हेर्नुस भिडियो

यो भिडियोलाई निर्देशक गौरव कुमार तामाङले निर्देशन गरेका हुन् । ‘सारंगी’मा सहायक निर्देशकको रुपमा प्रशान्त थापाले काम गरेका छन् भने अनुप सापकोटा र अभिनेत्री अन्ना शर्माको कन्सेप्टमा भिडियो तयार गरिएको हो । टप अफ द वर्ल्ड फिल्म्सले भिडियो निर्माण गरेको हो । भिडियोलाई शशांक थापा र कुशल जोशीले छायांकन गरेका छन् । सुशान्त केसीको युट्युब च्यानलबाट सार्वजनिक यो गीतको भिडियो यतिबेला म्युजिक क्याटोगरि अन्तर्गत युट्युब ट्रेण्डिङ्गको पहिलो स्थानमा रहेको छ । यो गीतको अडियो क्लिपहरु टिकटकमा अत्याधिक भाइरल भैरहेका छन् ।