इटहरी/ नेपाल आइडल रनर-ऑप प्रताप दास र पछिल्ला चरणहरूमा नेपाली संगीत क्षेत्रमा औधी रूचाईएको गायिका अन्नु चौधरीको स्वरमा रहेको ‘आदत’ म्यूजिक भिडियो सार्वजनिक भएको छ । सार्वजनिक गीतमा चर्चित गीतकार विद्यानन्द वेदर्दीको शब्द र प्रसिद्ध युवा संगीकार सरोज पोखरेलको संगीत रहेको छ । सार्वजनिक भिडियोमा सम्राट दास, गीता ढुंगाना र सरीता ढुंगानाले फिचर्ड गरेका छन् ।
‘आरती’ वेब सिरीज समेत निर्देशन गरेका युवा निर्देशक रोशन दासको कथा र निर्देशनमा रहेको यस म्यूजिक भिडियोलाई नितेश घतानले छायाँकन गरेका हुन् ।कमेडी च्याम्पियनबाट चर्चित भएका कर्म लामा र बालकलाकारद्वय सम्मान चौलागाईं र सनिपा गिरीको विशेष प्रस्तुतिमा रहेको ‘आदत’मा न्यारेशन विशाल भट्टराईले गरेका हुन् । सरोज पोखरेल युट्युब च्यानलबाट सार्वजनिक भएको ‘आदत’मा त्रिकोणात्मक प्रेम कथा देखाएको छ। यो गीत प्रेमिल मन भएका श्रोतालाई मन पराउने र सुनी रहने आदत बसाल्ने विश्वास निर्माण टीमको रहेको छ ।
Discussion about this post