बुद्ध जयन्तीको अवसरमा लोकप्रिय गायक उर्गेन दोङ इटहरीमा गुन्जने

इटहरी/ २५६८ औ बुद्ध जयन्तीको अवसरमा इटहरीमा चर्चित गायक उर्गेन दोङ गुन्जने भएका छन् । शुक्रवार इटहरीको संगीत चोकमा अवस्थित होटल इन्टुरिस्टमा आयोजना गरिएको पत्रकार सम्मेलनमा उनी इटहरी सांगीतिक प्रस्तुतिको लागी आउने जानकारी गराईयो । नेपाल तामाङ युवा घेदुङ ईटहरी उपमहानगर कार्यसमिति सुनसरीको आयोजनामा हुने कार्यक्रम जेठ ९ गते बुधबारका दिन आयोजना हुनेछ ।

इटहरी २० स्थित तरहराको महायान साङगा छोईलिङ गुम्बाको खेल मैदानमा आयोजना हुने कार्यक्रमलाई नेपाल तामाङ युवा घेदुङ जिल्ला सुनसरी समन्वय समिती र ईटहरी वडा नम्बर १९ र २० का युवाहरू व्यवस्थापन गर्नेछ ।
बुद्ध नेपालमा जन्मिएको हो भन्ने संदेश छर्दै उक्त कार्यक्रममा बुद्ध प्रवचन पनि गरिने पत्रकार सम्मेलनमा जानकारी गराईयो । कार्यक्रममा प्रवेश नि:शुल्क गरिएको आयोजक संस्थाका अध्यक्ष सुमन तामाङले बताए । उनले कार्यक्रममा सम्पुर्ण इटहरीवासीलाई उपस्थित भई सफल बनाउन आग्रह गरे । गायक उर्गेनको ‘सैँया’, ‘लजालु मायालु’, ‘टाढा भएपनी भाग १ र २’, ‘माया तितो मीठो’, ‘हाम्रो माया नछुटोस’, ‘तिम्ले चुमेका हातहरु’, ‘दुई दिनको माया’ जस्ता गीत तथा भिडियोहरु हिट भएका छन् ।