सरोज र आश्माको अहिलेसम्मकै फरक अवतार, २ जनालाई स्मार्ट फोन उपहार

इटहरी/ गायक एसडी योगी र गायिका शान्ति श्री परियारको स्वरमा रहेको गीत ‘हे नीर’ सार्वजनिक भएको छ । गीतमा रविन स्वप्निल गिरीको शब्द, एसडी योगीको संगीत, रिकेश गुरुङ ‘किज’को संगीत निर्माण, एसडीकै मिक्सिङ तथा मास्टरिङ छ । भिडियोमा मोडलद्धय सरोज अधिकारी र आश्मा विश्वकर्मासँगै कार्टुन क्रु जेनेरेसन फिचर्ड छन् ।

सुवास तिमल्सिनाको मेकअप रहेको भिडियोमा सरोज र आश्माको कोरियोग्राफी, सुरोज अधिकारीको सम्पादन, पवन सुस्लिङ राईको छायांकन, विजय अधिकारीको सह–निर्देशन, पेम्बा मगरको सह–कोरियोग्राफी तथा सरोज अधिकारीको कन्सेप्ट र निर्देशन छ । हेर्नुस् भिडियो ।

यो भिडियोका प्रोडक्सन कन्ट्रोलर मिलन कटवाल हुन् । गीतको भिडियोमा प्रतिक्रिया दिने मध्येबाट उत्कृष्ट २ प्रतिक्रिया छनोट गरि एक्सपर्ट टेलिकमको तर्फबाट दुईवटा स्मार्ट फोन उपहार दिइने निर्माणपक्षले बताएको छ ।
भिडियोमा यूवा यूवतीबिचको प्रेम, पारिवारिक अवरोधको कथालाई देखाइएको छ । दर्शकले यो भिडियोलाई गहन तरिकाले हेरेर प्रतिक्रिया दिनुपर्नेछ ।