इटहरी/ इटहरीलाई कर्मथलो बनाउदै चलचित्र तथा म्युजिक भिडियो अभिनयमा सफलता खोजिरहेका कलाकार दिनेश कोइरालाको अभिनय रहेको ‘परिणाम’ बोलको गीतको म्युजिक भिडियो सार्वजनिक गरिएको छ । बुधबार साईराम पिक्चर्स नामक युट्युब च्यानलबाट सार्वजनिक गरिएको गीतको भिडियोमा कोइरालासंगै टिकटकर तथा मोडल स्मारिका ढकाल, कमल सिंह र बालकलाकारमा नुर दाहालको पनि अभिनय रहेको छ ।
दर्जनौं म्युजिक भिडियो, केही टेलिफिल्मसंगै अभियान, राम साइली, म पर्खीरहन्छु, छक्का पन्जा ४ र पशुपति प्रसाद २ भष्मेडनमा अभिनय कला देखाईसकेका कोइरालाले सार्वजनिक म्युजिक भिडियोमा आफ्नो अभिनयमा अझै निखारता ल्याउदै आफुलाई अब्बल सावित गर्ने जमर्को गरेका छन् । हेर्नुस् भिडियो ।
सार्वजनिक गीतमा श्रेय अगस्तीको स्वर समावेश गरिएको छ भने साक्षी-श्रेयको शब्दमा यो गीत तयार भएको हो । ‘परिणाम’ गीतलाई संकेत अगस्तीले संगीत भरेका छन् । यो गीतको भिडियोलाई सुरुदेखी अन्त्यसम्मै हेर्दा भावुक बनाउन सक्छ । कलाकारहरुको जिवन्त अभिनयसंगै भिडियोमा उठान गरिएको कथावस्तुले जो कोहिको मन छुन्छ ।
आफुलाई बहादुर सम्झने अथवा रिस र अहंकारले भरिएको एक ब्यक्ती अर्थात दिनेश कोइरालाले मनपराएको मान्छेलाई अनेक डर त्रास देखाएर मन्दिरमा लागी जबर्जस्ति सिन्दुर लगाउदाको परिणाम भिडियोको अन्त्यमा देख्न सकिन्छ । ‘परिणाम’ गीतको भिडियोलाई दिनेश पराजुलीले छायांकन गरेका हुन् भने कथा तथा भिडियोमा प्रस्तुत गरिएको कथा संकेत अगस्तीको रहेको छ ।
Discussion about this post