इटहरी/ ‘नाच छौंडी नाच’ बोलको नयाँ म्युजिक भिडियो सार्वजनिक भएको छ । यस गीतमा गायक कमल खत्रीले आफ्ना भाई आर.के. खत्रीसंग स्वरमा सहकार्य गरेका छन् भने यो गीतको भिडियोमा कमलले आफ्नी श्रीमती तथा गायिका मेलिना मैनालीलाई फिचर्ड गराएका छन् । गायक कमलकै शब्दमा रहेको यस गीतलाई खत्री आफैले संगीतवद्द गरेका हुन् । विजेश्वर राज तन्दुकरको संगीत संयोजन रहॆको यो गीतमा रहेको छ ।
सार्वजनिक गीतको भिडियोमा भियोमा र सुनिता लामगडको र्याप समावेश गरिएको छ । तास स्टुडियोमा रेकर्ड गरिएको यस गीतलाई राजेश्वर तन्दुकरले मास्टरिङ्ग तथा मिक्सिङ्ग गरेका हुन् । यो गीतको भिडियोलाई जनकपुरमा छायांकन गरिएको हो भने यहाँ प्रयोग गरिएको ‘छौंडी’ शब्द मैथिलि भाषामा हो । यसको नेपालीमा ‘छोरी’ अर्थ लाग्छ । हेर्नुस भिडियो
यो नाच छौंडी नाच’ बोलको गीतको म्युजिक भिडियोलाई राजिव समरले निर्देशन गरेका हुन् । भिडियोमा मेलिनासंगै काजल कर्ण, पुजा ठाकुर र जस्मिन मगरलाई फिचर्ड गरिएको छ । सुवास तिमल्सिनाको मेकअप रहेको भिडियोलाई पवन सुस्लिङ्गले छायांकन, सम्पादन तथा जीएफएक्सका कार्य गरेका हुन् । उक्त भिडियोलाई गायक कमलले आफ्नै नामको युट्युब च्यानलबाट सार्वजनिक गरेका छन् ।
Discussion about this post