विवाद समाधानपछि ‘एक्टर : टेक वन’को प्रदर्शनको बाटो खुल्यो, अब कहिले रिलिज ?

इटहरी/ दुई नेपाली फिल्म ‘एक्टर’ र ‘एक्टर : टेक वन’बीचको विवाद अन्ततः समाधान भएको छ । विवादको कारणले गर्दा एक्टर टीमको उजुरी पश्चात काठमाडौं जिल्ला अदालतले रोक लगाएको थियो । दुई फिल्मको निर्माताहरुको आपसी सहमति पश्चात् प्रदर्शन रोकिएको ‘एक्टर : टेक वन’ अब प्रदर्शनमा आउने तयारी भएको हो ।

‘एक्टर’का निर्माताहरूले ‘एक्टर : टेक वन’विरुद्ध अदालतमा दायर गरेको मुद्दा फिर्ता लिने र ‘एक्टर : टेक वन’को प्रदर्शनलाई बाधा नपुथ्याउने निर्णय गरेका छन् । यसले गर्दा अदालतले लगाएको रोक हटेर फिल्म प्रदर्शनको लागि तयारी अघि बढेको छ ।

तथापि, फिल्म कहिले प्रदर्शनमा आउँछ भन्ने बारेमा अझै पक्का जानकारी दिइएको छैन । निर्माताहरूले केही घण्टा वा दिनभित्र यसको निर्णय गर्ने बताएका छन् । फिल्मप्रेमीहरूले यसको रिलिजको प्रतिक्षामा रहेका छन् । यस विवादको समाधानले नेपाली फिल्म उद्योगमा सकारात्मक वातावरण बनेको छ भन्ने विश्लेषकहरूको धारणा छ । दुवै फिल्मका निर्माताहरूले आपसी सहमतिमा पुग्न सफल भएकाले सकरात्मक सन्देश प्रवाह भएको छ ।