शहीद दिवसको अवसर पारेर भोलिबाट रिलिज हुने फिल्म ‘एक्टर: टेक वन’ को भव्य प्रिमियर सम्पन्न

इटहरी/ भक्तपुरस्थित क्युएफएक्स सिनेमाजमा सोमवार साँझ फिल्म ‘एक्टर: टेक वन’ को भव्य प्रिमियर सम्पन्न भएको छ । करिब सात सय दर्शकहरूको उपस्थिति रहेको यो प्रिमियर कार्यक्रममा अभिनेता प्रदीप खड्का, राजबल्लभ कोइराला र अभिनेत्री अन्ना शर्मा तथा दिव्या रायमाझीको आगमनले कार्यक्रमको चमक थपेको थियो । विशेष सजावटसहितको हलमा भएको यस कार्यक्रमले मिडिया तथा सामाजिक सञ्जालमा ठूलो चर्चा पाएको छ ।

कार्यक्रमका दृश्यहरू सामाजिक सञ्जालमा भाइरल भइरहेका छन्, जसले प्रिमियरको उत्साहजनक वातावरणलाई अझै स्पष्ट पारेको छ । सहिद दिवसको अवसर पारेर माघ १६ गते प्रदर्शनमा आउन लागेको यो फिल्मका लागि राजबल्लभ कोइराला विशेष रूपमा अमेरिका बाट फर्किएका थिए । फिल्मको कथा, नयाँपन र कलाकारहरूको उत्कृष्ट अभिनयको प्रशंसा गर्दै उपस्थित दर्शकहरूले यसको सफलताको भविष्यवाणी गरेका छन् ।

फिल्ममा प्रदीप खड्का, अन्ना शर्मा, दिव्या रायमाझी, राजबल्लभ कोइरालालगायतका चर्चित कलाकारहरूको प्रमुख भूमिका छ । यसको पटकथा आकाश बराल र राजन भुसालले लेखेका हुन् भने निर्देशन पनि भुसालले नै गरेका छन् । यो फिल्मअधृत फिल्म्स र अ मोती फिल्म को संयुक्त प्रस्तुति हो । निर्माण टोलीका अनुसार ‘एक्टर: टेक वन’ ले नेपाली फिल्म उद्योगमा फरक छाप राख्दै दर्शकको मन जित्ने प्रबल सम्भावना बोकेको छ । प्रिमियरमा प्राप्त उत्साहजनक प्रतिक्रियाले यसको सफलताको संकेत दिएको हो ।