इटहरी/ डर र रहस्यले भरिएको हरर फ्यामिली ड्रामा ‘ममी’को ट्रेलर सार्वजनिक भएको छ । आगामी माघ २५ गतेबाट प्रदर्शनमा आउने यो फिल्मले दर्शकलाई रोमाञ्चक अनुभव दिलाउने संकेत गरेको छ । सार्वजनीक १ मिनेट ५७ सेकेन्ड लामो ट्रेलरमा भूतिया आकृति, कालो बिरालोको प्रतीकात्मकता र मुख्य पात्रहरूबीचको संवादले फिल्मलाई डरलाग्दो बनाएको छ । सार्वजनीक ट्रेलरले भूतिया घटनाक्रम, अलौकिक पात्रहरू र पारिवारिक द्वन्द्वको संकेत गर्दै कथावस्तुलाई दर्शकसामु प्रस्तुत गरेको छ ।
यसमा मुख्य भूमिकाको रुपमा प्रियांका कार्की र सुलक्षण भारती छन् भने दीया मास्के, समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल र गीत विष्ट लगायतको अभिनय रहेको छ । सो ट्वान्टी फाइभको ब्यानरमा निर्माण भएको ‘ममी’लाई समर निरौलाले निर्देशन गरेका हुन् । यो उनको पहिलो निर्देशनात्मक फिल्म रहेको छ । हेर्नुस् ट्रेलर ।
समर र पूर्णिमा जोशीले लेखेको यस फिल्मका निर्माता लोक राज जोशी र पूर्णिमा जोशी हुन् भने कार्यकारी निर्मातामा सुमन कोइराला रहेका छन् । फिल्मको छायांकन निशाल पौडेल र शरद महतोले गरेका छन् भने सम्पादन सुरेन महर्जनको छ । पाश्र्व ध्वनीमा रोहित शाक्य, साउन्ड डिजाइनमा श्रवल आरपी र द्वन्द्व निर्देशनमा एनभी महर्जन रहेका छन् । यो फिल्मलाई काठमाडौं उपत्यकामा काफिया फिल्मस् र मोफसलमा कुवेर सिने डिस्ट्रीब्युसनले वितरण गर्नेछन् ।
Discussion about this post