इटहरी/ नेपाली हिपहपमा नयाँ उचाइ लिन थालेका ‘योङ्ग वेभ’ले आफ्नो नयाँ अफिसियल गीत ‘बेबी’ सार्वजनिक गरेका छन् । नेपहपको श्रीपेच सिजन २ का विजेताको रूपमा स्थापित ‘योङ्ग वेभ’ले यो गीतमार्फत दर्शकहरूको थप माया जित्न सफल हुने अपेक्षा छ । सार्वजनिक भएको छोटो समयमा नै गीतले युट्युबमा उल्लेखनीय भ्युज बटुलिसकेको छ ।
गीतको प्रोडक्सन, मिक्स र मास्टरिङ्ग ‘जेन’ले गरेका हुन् भने भिडियो निर्माण ‘घिसिङ२१’ले गरेका छन् । यसअघि, नवाज अन्सारीसँगको सहकार्यमा ‘ताकिया’ बोलको गीत ल्याइसकेका ‘योङ्ग वेभ’ले आगामी दिनमा पनि सबै वर्ग र उमेर समूहलाई समेट्ने गीतहरू ल्याउने तयारी गरिरहेका छन् । हेर्नुस् भिडियो ।
नेपहपको श्रीपेचका संस्थापक तथा प्रोजेक्ट हेड सुदीप पोखरेलले ‘योङ्ग वेभ’को निरन्तर प्रगतिमा खुशी व्यक्त गर्दै भनेका छन्, “कार्यक्रमभित्र मात्र सीमित नभई अफिसियल गीतहरूले पनि दर्शकहरूको मन जितेको देख्दा गर्व लागेको छ।” नेपहपको श्रीपेचले नयाँ प्रतिभाहरूलाई उजागर गर्दै नेपाली हिपहपको आधार मजबुत बनाउने काममा अहम् भूमिका खेलिरहेको छ ।
Discussion about this post