इटहरी/ मोडल तथा अभिनेत्री कुसुम शर्मा (सकम्बरी) र बसन क्षेत्रीको रोमान्स प्रस्तुत गरिएको गीत ‘नाई नाई नभन्नु ल’ सार्वजनिक भएको छ । लामो समयदेखि अस्ट्रेलियालाई कर्मभूमि बनाउँदै आएका गायक तथा मोडल बसन क्षेत्रीले यो गीतमार्फत दर्शकहरूमाझ पुनः आफ्नो उपस्थिति जनाएका छन् । क्षेत्री ग्लोबल कन्सल्ट क्यानभेराका संचालक समेत हुन् ।
गीतमा बसनलाई एलिना चौहानले स्वरमा साथ दिएकी छिन् । भिडियोमा कुसुमले हट लुक्सका साथ बसनसँग रोमान्स गरेकी छिन्, जुन सम्भवतः उनको पहिलो डान्सिङ म्युजिक भिडियो हो । गीतका शब्द तथा संगीत शिवराज गौतमको रहेको छ भने निर्देशनको जिम्मेवारी पनि गौतमले नै सम्हालेका छन् । हेर्नुस् भिडियो ।
भिडियोको अवधारणा सुमन मोक्तानले तयार पारेका हुन् भने कोरियोग्राफी सञ्जिला सुमित्रले गरेका हुन् । भिडियोको छायांकन, सम्पादन र कलरिङको काम जोन राईले गरेका छन् भने एरेन्जमेन्ट र मिक्सिङ रुबिन मगरले सम्हालेका छन् । भिडियोमा युनिका अछामी, रमिता बलामी, अनिता तामाङ, आस्था गुरुङ, पुनम तामाङ, रेकिशा खत्री, अंकित क्षेत्री, पवनजंग रोकाया, प्रितम तामाङ, नाम्गेल शेर्पा, सुसन तामाङ र लक्ष्मणलगायत कलाकारहरू कोरस भूमिकामा देखिएका छन् ।
Discussion about this post