इटहरी/ भक्तपुरको सूर्य विनायक गणेशथान मन्दिरमा स्क्रिप्ट पूजा गर्दै ‘ज्वाइँ साब’ निर्देशक वसन्त निरौलाले आफ्नो नयाँ फिल्म ‘दशमी’को निर्माण घोषणा गरेका छन् । निर्देशक निरौलाले फिल्म दसैँको फूलपातीका दिन रिलिज गरिने जानकारी दिए पनि कलाकारहरूको लाइनअप गोप्य राखेका छन् ।
दिलीप रानाभाटले तयार गरेको कथामा बन्ने ‘दशमी’ रेड आई फिल्म्स र रोमन फिल्म्सको संयुक्त प्रस्तुतिमा तयार हुनेछ भने यसको मुख्य लगानिकर्ता राजकुमार पण्डित रहेका छन् । यस्तै अन्य निर्मातामा राजाराम बुढाथोकी, समीर पण्डित, सौगात पण्डित, पदम तामाङ र भीमप्रसाद आचार्य रहेका छन् ।
यो फिल्मको कार्यकारी निर्मातामा विजय बस्याल रहेका छन् भने प्रोडक्शन म्यानेजर दिलीप पन्त हुन् । ‘दशमी’मा गएको दसैँमा रिलिज भएको सफल चलचित्र ‘ज्वाइँ साब’को टिमका प्राविधिकहरू नै समावेश छन् ।
Discussion about this post