इटहरी/ अभिनेता नाजिर हुसेनको निर्देशनमा नाटक ‘हरि हजुरबा’ पुस ४ गतेदेखि मण्डला नाटक घरमा मञ्चन हुने भएको छ । द्वन्द्वको प्रभाव र मानवीय सम्बन्धको गहिराइलाई उजागर गर्ने उद्देश्यले तयार गरिएको यो नाटकले भावुक कथा प्रस्तुत गर्नेछ । नाटकमा यसका निर्देशक नाजिर हुसेन र विजय बरालको प्रमुख भूमिका रहनेछ ।
उनीहरूलाई रियुल्साङ, सबिना थापा, रोहित शाह, सुजना पाण्डे, मनिष पाण्डे र रिसु राउतले अभिनयमा साथ दिनेछन् ।नाटकका निर्माता चर्चित अभिनेताद्वय दयाहाङ राई र बुद्धि तामाङ हुन् ।
कथाले चिठी पुर्यायाउँदै हिँड्ने हुलाकी केटो हरि र द्वन्द्वमा हराएकी नातिनीलाई प्रतीक्षारत हजुरबाको मार्मिक यात्रा चित्रण गर्छ । कविताबाट प्रेरित यस नाटकले द्वन्द्वले दिएको घाउमा मलम लगाउने प्रयास गरेको छ । पुस ४ देखि २८ गतेसम्म मञ्चन हुने नाटक सोमबारबाहेक प्रत्येक दिन साँझ ५ः१५ मा देखाइनेछ । शनिबार भने दिउँसो १ बजे र साँझ ५ः१५ मा दुई शो प्रदर्शन गरिनेछ ।
Discussion about this post