इटहरी/ सुपरस्टार प्रदिप खड्का, राजबल्लभ कोइराला, नव-अभिनेत्री दिव्या रायमाझी र आना शर्माको प्रमुख अभिनय रहेको चलचित्र ‘एक्टर: टेक वन’ को पहिलो गीत ‘दिन बित्ला’ सार्वजनिक भएको छ । यो रोमान्टिक गीतमा सनिश श्रेष्ठ र प्रीति कौरले आवाज दिएका छन् भने गीतका शब्द राजेश कुमार श्रेष्ठले लेखेका हुन् ।
एलिश कार्कीको सङ्गीत र शैलेन्द्र प्रधान (बाबु)को एरेन्जमा तयार भएको यस गीतले प्रेममा रहेका दुई व्यक्तिको सम्बन्धलाई समयको यात्रासँग जोड्दै प्रस्तुत गरेको छ । दिव्या रायमाझी चर्चित अभिनेता दिलीप रायमाझीकी छोरी हुन् । उनले यसै चलचित्रमार्फत अभिनय यात्रामा डेब्यु गर्दैछिन्। अमेरिकाबाट फर्केपछि उनले यो चलचित्रमार्फत आफ्नो करियर सुरु गरेकी हुन्। हेर्नुस् भिडियो ।
शिशिर खातीको कोरियोग्राफीमा बनेको गीतको भिडियोमा प्रदिप र दिव्याको आकर्षक केमेस्ट्री देख्न सकिन्छ । जसले दर्शकको मन जित्ने अपेक्षा गरिएको छ। चलचित्र ‘एक्टर: टेक वन’ को टिजरले पहिल्यै दर्शकबीच राम्रो चर्चा पाएको थियो। अहिले सार्वजनिक गरिएको ‘दिन बित्ला’ गीतले यसप्रति थप उत्सुकता जगाएको छ । जसले फिल्मप्रति दर्शकको अपेक्षालाई बलियो बनाउने विश्वास गरिएको छ ।
Discussion about this post