फिल्म ‘फिरफिरे फिरिरी’को पहिलो गीत सार्वजनिक

इटहरी/ चलचित्र ‘फिरफिरे फिरिरी’ को पहिलो गीत सार्वजनिक भइसकेको छ। बिन्दबासिनी क्रियसनको ब्यानरमा निर्माण भएको यो चलचित्रका निर्माता मनोज कुमार अधिकारी हुन्, जसले झण्डै १५ वर्षपछि फेरि चलचित्र निर्माणमा हात हालेका छन्। ‘नौ डाँडा पारी’ र ‘मंगलसुत्र’ जस्ता सफल चलचित्र निर्माण गरिसकेका अधिकारीले लामो अन्तरालपछि दर्शकका लागि नयाँ प्रस्तुति ल्याएका छन्। सार्वजनिक गीतमा प्रशान्त सिवाकोटीको शब्द र संगीत रहेको छ भने स्वर भरत अधिकारी, प्रशान्त सिवाकोटी, टिकराम श्रेष्ठ र रोषा फुयाँलले दिएका छन्।

गीतमा चलचित्रका मुख्य पात्रहरूलाई फिचर गरिएको छ, र म्युजिक नेपालको आधिकारिक युट्युब च्यानलमार्फत रिलिज गरिएको छ। ‘फिरफिरे फिरिरी’ को लेखन सन्दिप श्रेष्ठ र नबिन भट्टले गरेका हुन्, र निर्माण टोलीले यो चलचित्र दर्शकलाई रमाइलो मात्र नभई रोमाञ्चक अनुभव पनि दिनेमा ढुक्क रहेको छ। चलचित्रमार्फत सन्दिप श्रेष्ठ र भावना उप्रेतीले नेपाली फिल्म उद्योगमा डेब्यु गर्दैछन्। यो चलचित्र कार्तिक २२ गते, छठ पर्वको अवसरमा रिलिज हुने तय गरिएको छ। पोस्टर डिजाइन अनन्त घिमिरेले गरेका छन्, जुन हालै सार्वजनिक भएको छ। हेर्नुस भिडियो

चलचित्रमा मनोज कुमार अधिकारी, सन्दिप श्रेष्ठ, भावना उप्रेती, शंकर सेढाई, पिटर प्रिन्स, रबिना केसी, पुष्प अवस्थी, र सूर्यमान लिम्बुजस्ता कलाकारहरूको अभिनय रहेको छ। यो चलचित्रको छायांकन जितु तामाङले गरेका हुन् भने सहायक निर्देशकहरूमा रोशन दास, प्रकाश दाहाल र अग्नि सुबेदी छन्। कोरियोग्राफी केशव राज भट्टको रहेको छ, एलिस कार्कीले ब्याकग्राउन्ड म्युजिक दिएका छन्, र साउण्ड डिजाइन अमित श्रेष्ठले गरेका छन्। अनन्त घिमिरेले सम्पादन र कलर संयोजनको जिम्मेवारी सम्हालेका छन्। चलचित्रलाई आर.आर फिल्म्सले देशभर वितरण गर्नेछ भने यसको डिजिटल अधिकार म्युजिक नेपालले लिएको छ।