इटहरी/ फिल्म ‘जेरी अन टप’मा हास्य कलाकार केदार घिमिरे ‘माग्ने बुढा’ले भूमिका निभाउने भएका छन् । घिमिरेले छक्का पन्जा टिम भन्दा बाहिर फिल्म नगरेको हल्लाका बिचमा उनी यो फिल्ममा अनुबन्ध भएका हुन् । शुक्रबार घिमिरे र निर्माता सरोज न्यौपानेबीच लिखित समझदारी भएपछि उनलाई मुख्य भूमिकामा साइन गराईएको हो ।
उनी अनुबन्ध भैसकेपछी निर्माता रोहित अधिकारीले फेसबुकमा एक स्ट्याटस लेख्दै ‘यस्तो खालको सहकार्य अझै धेरै हुन जरुरी छ नेपालि फिल्म ईन्डस्ट्री लाई धेरै धेरै बधाई तथा शुभकामना’ भनेका छन् । यता केदारले अन्य फिल्म नखेल्नुमा दिपक राज गिरि समेत मुछीईरहेको अवस्थामा यो खबरपछी गिरीले फेसबुकमा एक स्ट्याटस लेख्दै ‘हल्ला जे भएता पनि हाम्रो प्रिय माग्ने भाइले हाम्रो टिम बाहिर भटाभट फिल्महरू गरि रहेका छन् । यो दोस्रो फिल्म हो उनले साइन गरेको ! उनको यो ख़ुशीमा मुरि मुरि शुभकामना एबं बधाइ छ !’ भनेर लेखेक छन् ।
यो फिल्म ‘जेरी अन टप’मा यसअघि नै अनमोल केसी, आँचल शर्मा, जसिता गुरुङ र सुरक्षा पन्तलाई मुख्य भूमिकाका लागि अनुबन्धित गरिसकिएको थियो । फिल्म निर्माण घोषणादेखी नै ‘जेरी अन टप’ चर्चामा छ ।
यो फिल्मको निर्देशन सुयोग गुरुङले गर्दैछन् । नेपाली फिल्म क्षेत्रमा यसअघि नसुनिएको कथा र परिवेशमा जेरी अन टप आधारित हुने निर्माता न्यौपानेले जानकारी दिएका छन् । यस फिल्मको पटकथामा चर्चित कन्टेन्ट क्रिएटर साइग्रेस पोखरेल पनि केहिअघि संलग्न भएका छन् । त्रिकोणात्मक प्रेमकथामा आधारित यस फिल्मको छायांकन आउँदो सातादेखि काठमाडौं र भारतको लद्दाखमा हुने बताइएको छ ।
Discussion about this post