इटहरी/ नेपाली फिल्म क्षेत्रको बहुप्रतीक्षित फिल्म ‘एक्टर: टेक वन’ को टिजर सार्वजनिक गरिएको छ । कार्तिक १५ गते अर्थात तिहारको लक्ष्मी पूजादेखी प्रदर्शन हुनेछ फिल्मको टिजरमा अभिनेता प्रदिप खड्कालाई विभिन्न भूमिकामा प्रस्तुत गरिएको छ । जसले दर्शकहरूलाई थप उत्सुक बनाएको छ ।सार्वजनिक टिजरको १ मिनेट २० सेकेन्डको समयावधिमा अभिनेत्रीहरू आना शर्मा र दिव्या रायमाझीलाई प्रदिपसँग रोमाञ्चक दृश्यहरूमा देख्न सकिन्छ ।
जसले गर्दा सम्बन्धको जटिलताहरूलाई पनि उजागर गरेको छ । विशेषगरी अभिनेता राजबल्लभ कोइरालाको भव्य इन्ट्रीले यस फिल्मलाई थप रोचक बनाउने टिजरबाट बुझ्न सकिन्छ । अभिनेता राजबल्लभ एक दशकपछि नेपाली फिल्मको पर्दामा ‘एक्टर’ मार्फत फर्किएका छन् । यसपटक विगतका फिल्महरुमा भन्दा फरक शैलीको चरित्रमा राजबल्लभ प्रस्तुत भएका छन् । ‘एक्टर’मा डेब्यु अभिनेत्री दिव्या रायमाझीलाई ‘बोल्ड एन्ड ब्यूटिफूल’का रूपमा प्रस्तुत गरिएको छ । उनी अभिनेता दिलिप रायमाझीकी छोरी हुन् । हेर्नुस् टिजर ।
उनले यहि यहि फिल्मको लागि भनेर अमेरिका छोडेर नेपाल फर्किएकी थिइन् । यस फिल्मलाई राजन भुसालले निर्देशन गरेका छन भने प्रमुख कलाकारको रूपमा प्रदिप, आना, दिव्या र राजबल्लभका अलावा दिव्य देव, उषा रजक र सुशील सिटौलाको समेत महत्त्वपूर्ण भूमिका रहेको छ । ‘एक्टर: टेक वन’ अदृत फिल्मस् र मोती फिल्मस्को सहकार्यमा निर्माण भएको हो भने यो फिल्मको निर्माता थमन कुमार भण्डारी हुन् । फिल्मको स्क्रिप्ट आकाश बराल र राजन भुसालले संयुक्त रुपमा तयार गरेका हुन् भने फिल्मलाई नरेन्द्र मैनालीले छायांकन गरेका छन् ।
Discussion about this post