जितु र नीति अभिनित फिल्म ‘ज्वाइँ साब’को महत्त्वपूर्ण दृष्य टिकटकमा लिक

इटहरी/ हास्य अभिनेता जितु नेपाल र नीति शाहको मुख्य भूमिका रहेको फिल्म ‘ज्वाइँ साब’को एक महत्त्वपूर्ण दृश्य टिकटकमा लिक भएको छ । यहि दशैँको फूलपातीको अवसरमा प्रदर्शनको तयारीमा रहेको यस फिल्मको दृश्य त्रिभुवन अन्तर्राष्ट्रिय विमानस्थलमा छायांकन गरिएको थियो । निर्देशक बसन्त निरौलाको अनुसार यसरी दृष्य लिक हुन्छ भन्ने सोचिएको थिएन ।

छायांकनको क्रममा भिड नियन्त्रण गर्न कठिनाइ भएको उनको भनाई छ । त्यही भिडमा कसैले मोबाईलबाट खिचिएको दृष्य अहिले टिकटकमा सार्वजनिक भएको हो । तर, सार्वजनिक दृश्य फिल्मको क्लाइमेक्ससँग सम्बन्धित नभएको निर्देशक निरौला बताउछन् । सार्वजनिक १५ सेकेण्ड लामो भिडियोमा जितु नेपाल र नीति शाहको मर्मस्पर्शी दृश्यले फिल्मको महत्त्वपूर्ण कथावस्तुलाई खुलासा गरेको देखिन्छ ।

दृश्यमा जितु बच्चा च्यापेर विदेशतिर जान लागेको देखिन्छ भने नीति राष्ट्रिय झण्डा च्यापेर जितुलाई बिदाई गरिरहेकी छिन् । यस दृश्यले कथाको भावनात्मक पक्षलाई दर्शाएको छ, जसले फिल्मको महत्त्वपूर्ण भागलाई बाहिर ल्याएको अनुमान गर्न सकिन्छ । फिल्ममा जितु र नीतिले एक दम्पतीको भूमिका निर्वाह गरेका छन्, र यो दृश्य उनीहरूको भावनात्मक सम्बन्धलाई उजागर गर्ने खालको छ ।