इटहरी/ निश्चल बस्नेत र स्वस्तिमा खड्काको प्रमुख भूमिका रहेको फिल्म ‘बेहुली फ्रम मेघौली’को टिजर सार्वजनिक भएको छ । हलमा यसअघि नै रिलिज भइसकेको यो फिल्मको टिजर युट्युबमा आज शनिबार सार्वजनिक गरिएको हो । टिजरले नेपाली समाजमा अहिले देखिएका विवाह सम्बन्धी विषयवस्तुलाई समेटेर कथा बुनिएको छ । निश्चललाई अष्ट्रेलियाबाट फर्केको युवकको रूपमा प्रस्तुत गरिएको छ भने स्वस्तिमा ३० वर्षको एक युवतीको भूमिकामा देखिन्छिन्, जो दुलाहा खोज्दै छिन् ।
समाजिक विषयवस्तुमा आधारित यस कमेडी फिल्मको टिजरले दर्शकलाई उत्साहित बनाएको छ । फिल्ममा निश्चल र स्वस्तिमासँगै बसुन्धरा भुषाल, विजय बराल, सिमरन खड्का, लोकेन्द्र लेखक लगायतका कलाकारहरुको अभिनय रहेको छ । यो फिल्म ‘बेहुली फ्रम मेघौली’ आउँदो असोज १७ गतेदेखि प्रदर्शनमा आउने छ । हेर्नुस् टिजर ।
‘बेहुली फ्रम मेघौली’ साजन काफ्ले र आकाश बरालको लेखन तथा निर्देशनमा तयार भएको छ । जुन उनीहरुको पहिलो निर्देशकिय काम हो । यसमा निर्माता निश्चल बस्नेतले स्वस्तिमालाई सहयोग गरेका छन् । फिल्मका कार्यकारी निर्माता फिरोज खड्का र शंकर पाण्डे हुन् । फिल्मको छायांकन नरेन्द्र मैनालीले गरेका हुन् भने संगीत जयन जे वाइवा र कुशल पोखरेलको रहेको छ । फिल्मलाई एप्पल इन्टरटेनमेन्ट र डिसिएनले वितरण गर्नेछन् ।
Discussion about this post