इटहरी/ नेपाली ओटीटी प्लेटफर्म कान्तिपुर सिनेमाजमा दुई नयाँ नेपाली फिल्महरूको स्ट्रिमिङ सुरु भएको छ । रक्षा बन्धनको अवसर पारेर सोमबारदेखि ‘नाङ्गो गाउँ’ र ‘दान्वी’ नामक चलचित्रहरूलाई दर्शकहरूले ओटीटीमार्फत हेर्न पाउने सुविधा सुरु भएको हो । दीपेन्द्र लामाको लेखन तथा निर्देशनमा बनेको ‘नाङ्गो गाउँ’ मा दयाहाङ राई, साम्राज्ञी राज्यलक्ष्मी शाह, कर्मा र मिरुना मगरको अभिनय रहेको छ । यो फिल्म गत वर्ष भदौ २९ मा हलमा रिलिज भएको थियो ।
यो फिल्मले व्यापारिक सफलता हासिल गरेको थियो । यस्तै, पुजा शर्मा, कुन्साङ बोम्जनको प्रमुख भूमिका रहेको फिल्म ‘दान्भी’ पनि स्ट्रीमिङ सुरु भएको छ । यो फिल्ममा रुपेश तामाङको निर्देशन रहेको छ भने यसै वर्ष असार ७ गते हलमा प्रदर्शन भएको थियो । यो फिल्मको चर्चा राम्रै भएपनी अपेक्षाकृत व्यापार गर्न भने सकेको थिएन । कान्तिपुर सिनेमाजले हालसम्म ३० भन्दा बढी प्रिमियम कन्टेन्टहरू रिलिज गरिसकेको छ । जसमा फिचर फिल्म, अवार्ड विनिङ सर्ट फिल्म, वेब सिरिज, प्ले सिरिज र मिनी सिरिजहरू समावेश छन् ।
फरक विधाका चलचित्र र स्वतन्त्र फिल्म निर्माताहरूका लागि यो प्लेटफर्म एक प्रमुख विकल्पका रूपमा अगाडि बढिरहेको छ । विश्वभरका दर्शकहरूले कान्तिपुर सिनेमाजको वेबसाइट लगइन गरेर वा मोबाइल एप डाउनलोड गरी मासिक २९९ रुपैयाँ तिरेर सबै कन्टेन्टहरू हेर्न सक्नेछन् । एउटा अकाउन्ट दुईवटा डिभाइसमा प्रयोग गर्न सकिने सुविधा पनि उपलब्ध गराइएको छ । यो प्लेटफर्म कान्तिपुर फिल्म एकेडेमीद्वारा सञ्चालनमा आएको हो ।
Discussion about this post