इटहरी/ तीजको अवसरलाई मध्यनजर गर्दै यहि भदौ २१ गतेदेखि प्रदर्शनमा आउने फिल्म ‘देवी’को शिर्ष गीत सार्वजनिक गरिएको छ । शुक्रबार सार्वजनिक गरिएको यस गीतको मुख्य भूमिकामा अभिनेत्री शिल्पा मास्के मात्र प्रस्तुत भएकी छन् । गीतको संगीत रोहित शाक्यले तयार पारेका छन् भने यसका शब्द, संगीत, र गायनको जिम्मा स्वप्नील शर्माले सम्हालेका छन् । मिङ्मा डि लेप्चाले कोरियोग्राफी र निर्देशन गरेका छन् ।
बशिष्ठ घिमिरेले छायांकन, उज्जवल जोशीले कलर ग्रेडिंग, र सन्तोष दवाडीले सम्पादनको काम गरेका छन् । अडियो र भिडियोको गुणस्तर उत्कृष्ट देखिन्छ । ‘देवी’ फिल्म क्राइम थ्रिलर विधामा बनेको छ, जसको निर्देशन सञ्जोग राईले गरेका हुन् । फिल्मको कथा निर्देशक राईले अजय गौतमसँग मिलेर लेखेका हुन् । हेर्नुस् गीत ।
एक्जिबिट स्टुडियोको प्रस्तुतिमा बनेको यो फिल्म बाँसुरी फिल्म्ससँगको सहकार्यमा नेपाल र विदेशमा एकैसाथ प्रदर्शन हुनेछ । यस फिल्ममा शिल्पा मास्के, गौरव पहारी, नाजिर हुसेन, टीका पहारी, प्रभाकर न्यौपाने, ध्रुब कोइराला, निरिक्षा घतानी, विशाल पहारी, निरु खड्का, जीवन जंग खड्का, र विकास पन्तको अभिनय रहेको छ ।
फिल्ममा सन्जेन थापाले एक्सन निर्देशन गरेका छन् भने निर्माणको जिम्मेवारी रेमन गुरुङ र सञ्जोग राईले लिएका छन् । फिल्मका कार्यकारी निर्माता जावेद खान छन् भने सह-निर्मातामा शिल्पा मास्के, उजेन नोर्वे गुरुङ, नारायण गुरुङ, र मिलन लामा छन् । फिल्मको छायांकन जोएल फ्रोमले गरेका छन् भने पटकथा लेखनमा अजय गौतमले निर्देशक राईलाई सघाएका छन् । फिल्मको वितरण मनोज राठी र उज्वल पौडेलले गर्नेछन् ।
Discussion about this post