इटहरी/ नेपाली मौलिक फिल्म भनिएको ‘लिलामे माइला’ को फर्स्टलुक पोस्टर सार्वजनिक गरिएको छ । फिल्मका निर्माता तथा निर्देशक भिम लामाले सोमबार सामाजिक संजाल मार्फत उक्त पोस्टर सार्वजनिक गरेका हुन् । निर्माता तथा निर्देशक लामा २०४५ सालदेखि नेपाली फिल्म उधोगमा सक्रिय छन् । तर, उनको फिल्मको लिस्ट भने खासै लामो छैन् । सिनेमा हलको त कुरा छाडौ युट्युबमा समेत उनको फिल्मका लागी दर्शक छैनन् । अब लिलामे माईलाबाट भने उनले केही चर्चाको आश गरेका छन् । उनको चर्चा पाउने सपना यो फिल्मबाट पूरा होस् । हाम्रो कामना छ । लिलामे माइलाको कथा प्रभाकर न्यौपानेले लेखेका हुन् भने पटकथा, संवाद राज थापा ‘काउचा’ को हो । हेर्नुस् यो समाचारसंग सम्बन्धीत सामग्रीसहित कार्यक्रम हाईलाइट्स :
कोशी प्रदेशको बराहक्षेत्र, भेडेटार, धनकुटाको राजारानी, धरान, बिष्णुपादुका लगायतका रमणीय क्षेत्रमा लिलामे माईलाको छायांकन गरिएको छ । यो फिल्ममा दामोदर सापकोटा, चन्दा लिम्बू, शुर्य लिम्बू, कमानशिह राई, रोशन बिसी, गङा कुवर, दिलु सुब्बा, जानुका मगर, प्रमिला लामा, साजन लिम्बू, मुकुन्द बस्नेत, उदय सुब्बा, मानशिह तामाङ लगायत कलाकारहरूको अभिनय रहेको छ । लिलामे माइलाको निर्मात्रीको रुपमा दिलु सुब्बा, कार्यकारी निर्मातामा दामोदर सापकोटा र सह-निर्मात्रीमा कमला राई रहेकी छन् । भिम लामा फिल्मस् प्रालीको ब्यानरमा निर्माण भैरहेको यो फिल्मको यतिबेला पुर्वान्चल ईन्स्टिच्युट अफ फिल्म एण्ड टेलिभिजनमा सम्पादनको कार्य ७० प्रतिशत सकिएको छ । सम्पादन कार्य सकेपछी फिल्म प्रदर्शनको लागी मिति तय गरिने निर्माता तथा निर्देशक लामाले जानकारी गराए ।
Discussion about this post