धरानमा ‘सिटि अफ वार’को शुभमुहुर्त सम्पन्न, फिल्मलाई विजय सुब्बाले निर्देशन गर्दै

इटहरी/ बिजय सुब्बाको लेखन तथा निर्देशन तथा पुर्वाञ्चल फिल्म एकेडेमी धरानको ब्यानरमा निर्माण हुन लागेको चलचित्र ‘सिटी अफ वार’को आज सोमबार धरानमा शुभमुर्हत गरिएको छ । यो फिल्मलाई याक्थुङ चलचित्रकर्मी संघ केन्द्रले संयोजकत्व गर्दैछ । चलचित्रको मुख्य कलाकारको रुपमा जोसेफ लिम्बु र प्रशान्त राई रहेका छन् । यी २ ले नै शुभमुहुर्त कार्यक्रममा मुर्हत शर्ट दिएका थिए । मुर्हतपछी चलचित्रको बारेमा कुराकानी गर्दै लेखक तथा निर्देशक बिजय सुब्बाले ‘सिटी अफ वार’ धरानको परिवेशमा रहेर निर्माण गरिने बताए ।

बिशेषगरी किशोरकिशोरीहरु लागुुऔषध र कुलतमा फसेपछीको अवस्थालाई चलचित्रले प्रस्तुत गर्ने निर्देशक सुब्बाले बताए । कुनै बेला धरानमा धेरै मात्रमा लागुुऔषधको प्रयोग र कारोवारीहरुले अशान्त बनाएको बिषय समाबेश छ । धरानलाई हेर्ने नकरात्मक दृष्टिलाई चिर्ने प्रयास चलचित्रले गर्ने सुब्बाको दावी छ । चलचित्रमा याक्थुङ चलचित्रकर्मी संघ केन्द्रले केही समय अगाडी आयोजना गरेको एकहप्ते चलचित्र निर्माण तथा अभिनय सम्बन्धी कार्यशालामा सहभागी बिधार्थीहरुलाई बिशेष यो फिल्ममा प्राथमिकता दिइएको छ ।

उनिहरुलाई नै बिशेष भूमिकामा अनुबन्ध गरिएको याक्थुङ चलचित्रकर्मी संघ केन्द्रका अध्यक्ष तथा प्रोजेक्ट म्यानेजर नबिन मेन्याङ्बोले जानकारी दिए । चलचित्रमा अन्य कलाकारहरुको पनि अभिनय रहने मेन्याङ्बोले जनाए । तर, को को रहने भन्ने बारे भने खुलाईएको छैन् ।

चलचित्र निर्माणमा कोही पनि निर्माताको रुपमा नभएपनी चलचित्रलाई सहकारी मोडलमा सबैको उतिकै भूमिका र दायित्व हुनेगरी सहभागीता रहेको मेन्याङ्बोले जानकारी दिए । करिव एक महिनाको छायांकन सेड्युल रहेको चलचित्र झण्डै पौने दुई घण्टाको हुनेछ । चलचित्रमा तिरज लिम्बुको दुई वटा र बिजय वाम्बुले राईको एक वटा गरी जम्मा ३ वटा गीत समाबेश गरिने मेन्याङ्बोले जानकारी दिए । चलचित्र छायांकन समाप्त पछी प्रदर्शनको बारेमा जानकारी दिने निर्माण टिमले जनाएको छ ।