अन्तर्राष्ट्रिय अवार्ड जित्न सफल ‘द रेडमुन’ युट्युबमा सार्वजनिक

इटहरी/ स्पेनी बेबलर अन्तर्राष्ट्रिय चलचित्र महोत्सवमा सर्वोत्कृष्ट राष्ट्रिय फोटोग्राफर निर्देशक अवार्ड जितेको र कोशी प्रदेश सरकारले आयोजना गरेको चलचित्र महोत्सवमा बिशेष प्रदर्शन गरेर दर्शकहरुको मन जित्न सफल छोटो चलचित्र ‘द रेड मुन’ युट्युब च्यानलमा रिलिज गरिएको छ । ‘द रेडमुन’लाई ओएसआर डिजिटलको अफिसियल युट्युव च्यालन ओएसआर मुभिजमा रिलिज गरिएको छ ।

थियटर साहाराको प्रस्तुती रहेको ‘द रेड मुन’को अन्तिम प्रदर्शन गएको असार १५ गते धरानमा गरिएको थियो । यो छोटो फिल्ममा कलाकार नबिन मेन्याङ्बोको निर्माण र रविन श्रेष्ठको निर्देशन रहेको छ । फिल्ममा वरिष्ठ कलाकार प्रेम सुब्बा, विजय सुब्बा, बिशाल श्रेष्ठ, हिमाल दाहाल, एकराज सुब्बा, तुलसा थापा, कैलाश कार्की, मिहाङ राइ, सानुराज थेगिम, कमल अधीकारी सुमिना खडगी र बाल कलाकार आरोही श्रेष्ठको अभिनय रहेकोछ । हेर्नुस् फिल्म ।

समसामयिक बिषयबस्तु, स्थानिय माटो सुहाउदो कथा र बलियो प्रस्तुतीकरण फिल्मका सवल पक्ष हुन् । २० मिनेटको यो छोटो फिल्ममा १० वर्षे शसस्त्र माओवादी द्धन्दको कथालाई निर्देशक श्रेष्ठले गज्जवले प्रस्तुत गरेका छन् । यसैगरी चलचित्रको अर्को सवल पक्ष चर्चित छायांकार लु:ज: सिंह हुन् । त्यसैले पनि उनको छायांकन कौसलकै कारण फिल्मले सर्वोत्कृष्ट राष्ट्रिय फोटोग्राफर निर्देशक अवार्ड जित्न सफल भएको हो । फिल्मको सम्पादन तथा रंग संयोजन मित्र डि गुरुङ्को रहेको छ ।