इटहरी/ घनश्याम लामिछाने निर्देशित सिनेमा लण्डन टु पेरिस यहि जेठ २५ गतेबाट सार्वजनिक प्रदर्शनमा आउँदै छ । फिल्मको यतिवेला अग्रिम टिकट बुकिङ समेत खुल्ला भैसकेको छ । फिल्मको सार्वजनिक टिजर, ट्रेलर पोस्टर तथा गीतहरुले फिल्म हलसम्म दर्शक तानिने अड्कल गर्न सकिन्छ । सार्वजनिक प्रचारात्मक सामग्रीका अनुसार अभिनेता निश्चल खड्काको अभिनेत्री साम्राज्ञी आरएल शाह र गरिमा शर्मासँगको त्रिकोणात्मक प्रेम सम्बन्ध प्रमुख कथा हो भन्न सकिन्छ ।
यता कविरलाई पनि अभिनेत्री गरिमाको प्रेममा परेको देख्न सकिन्छ । यसकारण फिल्ममा निकै ट्विस्ट रहेको अड्कल गर्न सकिन्छ । यो फिल्मबाट अभिनेत्री गरिमा शर्मा र अभिनेत्री निश्चल खड्काले डेब्यु गर्दैछन् । ट्राभल लभस्टोरीको कथा बोल्ने ‘लण्डन टु पेरिस फिल्मका कथा, पटकथा र संवाद प्रदीप भारद्धाजले लेखेका हुन् ।
एबी इन्टरनेश्नलको प्रस्तुति रहेको फिल्ममा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य रहेको छ भने अमित बस्नेत, एरियाना बस्नेत र परी राना निर्माता हुन् । यस्तै फिल्मको सनिश खकुरेल र अजित केआर थापा सह–निर्माता हुन् भने अंकित गौतम, सुरज कुँवर र विजय भण्डारी कार्यकारी निर्माता हुन् । फिल्ममा साम्राज्ञी, निश्चल, गरिमा र कविरको अलावा, रुष्मा थापा, मनिश श्रेष्ठ तथा मनिष गान्धीको पनि प्रमुख अभिनय रहेको छ ।
Discussion about this post