गायिका अभय सुब्बाले ‘सन्दीपका समर्थकले मलाई अनफ्रेन्ड गर्नु’ भनेपछि

इटहरी / क्रीकेटर सन्दिप लामिछानेले सफाई पाईसकेका छन् । तर, उनको सफाई पछि पनि केहिले भने उनको सफाईलाई समर्थन गरिरहेका छैनन् । यस्तैमा रकस्टार तथा भोइस अफ नेपालकी पूर्व निर्णायक अभया सुब्बाले पनि लामिछानेको सफाई प्रती असन्तुष्टि ब्यक्त गरेको बुझ्न सकिन्छ ।

सुब्बाले आफ्नो सामाजिक संजाल फेसबुकमा एक पोस्ट राख्दै सन्दिप लामिछानेका समर्थकहरुलाई आफ्नो फेसबुकबाट अनफ्रेण्ड गर्न आग्रह गरेकी छन् । उनले हाल भने उक्त पोस्ट फेसबुकबाट हटाएकी छन् । उनले भनेकी थिइन् ‘सन्दीप लामिछानेका सबै फ्यान र समर्थकहरूले मलाई अनफ्रेन्ड गरिदिनु होला । म मेरो वरिपरि यी नीच अनुयायीहरू हुनुभन्दा केही असल साथीहरू होउन् भएको चाहन्छु ।’

सन्दीपमाथी १९ वर्षीया युवतीलाई जबरजस्ती करणी गरेको अभियोगमा तल्लो अदालतबाट दोषी ठहर गरिएको थियो । तर हालै गत जेठ २ गते उच्च अदालत पाटनले लामिछानेलाई बलात्कार मुद्दामा सफाई दिएको थियो । सुब्बाको सो पोस्टका अनुसार अदालतको फैसला चित्त नबुझेको अड्कल गर्न सकिन्छ । उनको पोस्ट डिलेट भएपनि अहिले यसैका कारण सामाजिक संजालमा बहस सिर्जना भएको छ । सुब्बा प्रती आलोचना र तारिफ दुबै भैरहेको देख्न सकिन्छ ।