श्रावण १८ गतेदेखी फिल्म ‘मोदिबेनी’ सार्वजनिक प्रदर्सनमा आउने

इटहरी/ अभिनेत्री रेजिना उप्रेतीले करिब १२ वर्षपछि कमब्याक गर्ने फिल्म ‘मोदिबिनी’ को प्रदर्शन मिति सार्वजनिक गरिएको छ । डिनेस्ट इन्टरटेनमेन्टको प्रस्तुतिमा निर्माण भएको यो फिल्म आगामी श्रावण १८ गते रिलिज हुने भएको पक्का भएको हो यो फिल्ममा अभिनेताको रूपमा अमर प्रताप श्रेष्ठले डेब्यु गर्दैछन् भने उनको अपोजिटमा अभिनेत्री वर्षा सिवाकोटीको अभिनय रहेको छ ।

यता निर्देशकले पनि यो फिल्मबाट नेपाली फिल्म क्षेत्रमा निर्देशकको रुपमा डेब्यु गर्दैछन् । निर्देशक शङ्कर कोइरालाले यो फिल्म ‘मोदिबेनी’बाट डेब्यु गर्न लागेका हुन् । यो फिल्मलाई दिलिप केसीले निर्माण गर्दैछन् ।

आनन्द बिक्रम क्षेत्रीको कथा लेखन रहेको यो फिल्म ‘मोदीबेनी’ पर्वत जिल्लाको मोदीबेनी क्षेत्रमा घटेको अविश्वसनीय घटनामा आधारित रहेको बताईएको छ । यो फिल्ममा अमर, वर्षा र रेजिनासहित प्रवीण खतिवडा, सरोज खनाल, दिलीप केसी, कमलमणि नेपाल, जीवन भट्टराई, सरोज अर्याल, अनामिका लामिछाने, स्नेहा भट्टराई, लाबिस लगायतको पनि अभिनय रहेको छ । मोदिबेनीमा हरि श्रेष्ठ सह-निर्माताको रुपमा रहेका छन् ।