इटहरी/ आउँदो जेठको २५ गतेबाट सार्वजनिक प्रदर्शनमा आउने फिल्म ‘लण्डन टु पेरिस’ को टिजर सार्वजनिक गरिएको छ । प्रदर्शन मिति नजिकिदै गर्दा फिल्म निर्माण युनिटले प्रचारप्रसारका सामग्रीहरुलाई एकपछि अर्को गर्दै सार्वजनिक गरिरहेका छन् । पोस्टर तथा गीत यसअघि नै सार्वजनिक गरिएको थियो भने हालै सार्वजनिक १ मिनेट ५७ सेकेन्ड लामो टिजरले फिल्मलाई प्रतिक्षित बनाउन केही हदसम्म मद्दत पुगेको छ ।
घनश्याम लामिछाने निर्देशित फिल्म ‘लण्डन टू पेरिस’को टिजरमा अभिनेत्री साम्राज्ञिलाई बोल्ड अवतारमा प्रस्तुत गरिएको छ । टिजरमा उनलाई र निस्चललाई रोमाण्टिक देख्न सकिन्छ भने उनिहरुको प्रेम र विछोडका कुराहरु सहित चुम्बन र बेडसिनले भरिभराउ भएको देखिन्छ । हेर्नुस् टिजर
प्रदीप भारद्वाजले लेखेको यो फिल्ममा साम्राज्ञी राज्यलक्ष्मी शाह, निश्चल खड्का, कविर खड्का, गरिमा शर्मा लगायतका कलाकारको अभिनय छ । ‘लण्डन टु पेरिस’ को यसअघि नै गीत रिलिज भइसकेको छ । जुन गीतले खासै चर्चा भने पाउन सकेको छैन ।
Discussion about this post