आजै बैठक बस्ने र पुर्वका सिङ्गल थिएटरमा ‘मनसरा’ फिल्म दिइने: कार्यकारी निर्माता दाहाल

इटहरी/ कोशी प्रदेशका केही बाहेक सिङ्गल थिएटरमा फिल्म ‘मनसरा’ प्रदर्शनमा रोक लगाईएपछी यतिबेला हल ब्यवसायी असन्तुष्ट छन् । पावर हुनेले सिङ्गल थिएटरमा पनि चलाएको तर हामिलाई भने नदिएको भन्दै गुनासो परिकला न्युजलाई प्राप्त भएको छ । कोशी प्रदेशको इनरुवामा रहेको सिबि सिनेमा, झुम्कामा रहेको म्याजिक सिनेमा, बिराटचोकमा रहेको बिराट सिने घरसंगै बिराटनगर र गाईघाटको सिङ्गल थिएटरमा पनि मनसरा प्रदर्शनमा रोक लगाईएको जानकारी आएको हो ।

हल व्यावसायिका अनुसार निर्माताको दादागिरी हावी भएको हो । यता भ्याली बाहिरको वितरकको जिम्मा पाएको एफडीका संचालक छबीराज ओझाका अनुसार पहिले नै मनसरा निर्माताहरुले पुर्वका केहि हलहरुमा रोक लगाउने निर्णय भएको र फिल्मको माग बढ्दै गएको खण्डमा सबै सिङ्गल थिएटरलाई पनि फिल्म दिइने निर्णय भएको भएर त्यही अनुसारले आफुहरुले गरेको भनाई छ ।

यता फिल्मका कार्यकारी निर्माता सिजन दाहालसंग यो विभेद किन भनेर हामिले कुरा गर्दा उनले वितरकमा भर पर्ने बताए । वहाँहरुको अनुसार नै भएको दाहालको भनाई छ । तर, उनका अनुसार गुनासो आएको कारणले अब आज नै मिटिङ बसेर के कसरी सिङ्गल थिएटरलाई फिल्म दिइने भन्ने निर्णय गरिने र बाकीँ रहेका सिङ्गल थिएटरमा पनि ‘मनसरा’ पठाउने कार्यकारी निर्माता दाहालले परिकला न्युजलाई जानकारी गराए । फिल्मले प्रदर्शनको पहिलो दिनदेखी नै उत्साहजनक व्यापार गरिरहेको छ ।