इटहरी/ प्रतिक्षित मानिएको फिल्म ‘फर्की फर्की’ को ‘अन्तिम माया’ बोलको गीतको भिडियो सार्वजनिक भएको छ । शुक्रवार ओएसआर डिजिटलको युट्युब च्यानलबाट सार्वजनिक गीतको भिडियोमा फिल्मका प्रमुख अभिनेता अनमोल केसी र अभिनेत्री जसिता गुरुङ फिचर्ड छन् । सार्वजनिक गीत सुन्दै गर्दा कता-कता सुनेको गीत अनि लय लाग्न सक्छ । सो स्वभाविक नै हो । कारण, यो गीतलाई नरेन लिम्बुले करिब ७ वर्षअघि सार्वजनिक गरेको ‘अन्तिम माया’ लाई रि-एरेन्ज गरिएको हो । अर्थात केही फेसबदल गरेर सो गीतलाई फर्की फर्कीमा समावेश गरिएको छ ।
नरेनको उक्त गीत अडियोमै लोकप्रिय गीत हो । अहिले उच्च क्वालिटिमा अनमोल र जसिता फिचर्ड भएर फिल्ममा भिडियो सहित आउँदा गीतको गीतले अझै हाईप लिने पक्का छ । अहिले फिल्ममा समावेश गरिएर सार्वजनिक गरिएको गीतमा पनि नरेन लिम्बुकै स्वर समावेश गरिएको छ भने गायक लिम्बुकै कम्पोज तथा शब्द लेखन रहेको छ । हेर्नुस् उक्त गीतको भिडियो ।
सुयोग गुरुङको कथा तथा निर्देशनमा बनेको यो फिल्म आउँदो जेठको १० गतेबाट सार्वजनिक प्रदर्शनमा आउँदै छ । फिल्मलाई ओएसआर डिजिटलको सहकार्यमा रोहित अधिकारी फिल्मसको ब्यानरमा निर्माण गरिएको हो । फिल्मका निर्माता रोहित अधिकारी र ओम प्रकाश अग्रवाल हुन् भने रामु न्यौपाने र मनोज ओलि सह-निर्माता तथा मोति कार्की र अनि रुद्र गिरि कार्यकारी निर्माता हुन् । टाईम लुपको कथामा बनेको यो फिल्मले नेपाली सिनेप्रेमीलाई नयाँ स्वाद पस्कदै छ । फिल्ममा अनमोल र जसिताको अलावा रवि काफ्ले, समृद्धि अर्याल, निर्मल शर्मा, कृष्ण मल्ल लगायतका कलाकारको पनि अभिनय छ ।
Discussion about this post