इटहरी/ ब्रेकअपको हल्ला बाबजुद गायिका एलिना चौहानले बुधवार प्रेमी विष्णु सापकोटासँग विवाह बन्धनमा बाँधिएकी छन् । झापामा भएको विवाहमा दुवै पक्षका परिवार, आफन्त र निकट साथीभाइको उपस्थिति रहेको छ । सामाजिक सञ्जालमा विवाह स्थलबाट तस्बिरहरू पोस्ट गरिएका छन् ।
सापकोटा गृह जिल्ला बागलुङदेखि मङ्गलवार नै जन्ती लिएर झापा पुगेका थिए। उनले मङ्गलवार नै आयोजित हल्दी र मेहेन्दी समारोहमा सहभागिता जनाएका थिए ।
बिर्तामोडस्थित बिर्ता पार्टी प्यालेसमा भव्यताका साथ विवाह भइरहेको छ । बुधवार बिहानै एलिनाको भाइको व्रतबन्ध गरिएको थियो । लामो समयदेखिको प्रेमलाई यी दुईले विवाहमा परिणत गरेका हुन् । विष्णु अस्ट्रेलिया बस्दै आएका छन् । साङ्गीतिक कार्यक्रमको सिलसिलामा अस्ट्रेलिया पुगेको बेला एलिना र विष्णुको भेट भएको थियो ।
Discussion about this post