इटहरी/ तिन जना चक्लेटि नायकहरु एकसाथ फिल्ममा देखिने भएपछी चर्चामा आएको फिल्म ‘पुजार सार्की’ यतिबेला प्रतिक्षित बनेको छ । यतिबेला आगामी जेठ १० गते विश्वव्यापी रिलिज हुने फिल्म ‘पुजार सार्की’को नयाँ पोस्टर सार्वजनिक गरिएको छ । सार्वजनिक पोस्टरमा फिल्मका प्रमुख अभिनेता अभिनेत्रीहरुलाई प्रस्तुत गरिएको छ ।
पोस्टरमा आर्यन सिग्देल, प्रदीप खड्का, पल शाह, अञ्जना बराइली र परीक्षा लिम्बुलाई फिल्मको क्यारेक्टर लुक्समा देखाईएको छ । यसअघिका सार्वजनिक पोस्टरमा भने अभिनेत्री द्वय अञ्जना र परिक्षालाई अटाईएको थिएन । ‘प्रसाद’, ‘क्लासिक’, ‘नोभेम्बर रेन’, ‘प्रकाश’ लगायतका सफल चलचित्र निर्देशन गरिसकेका निर्देशक दिनेश राउतले यो फिल्मलाई निर्देशन गरेका छन् ।
किङ्गडम नेटवर्कको प्रस्तुतिमा बनेको ‘पुजार सार्की’को कथालाई विकाश सुवेदीले तयार पारेको हुन् भने सङ्गीतकार सुवास भुसालले यो फिल्म निर्माण गरेका हुन् । फिल्ममा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको पनि अभिनय रहेको छ । निर्माण युनिटले यो शुक्रबार फिल्म हल र युट्युबमा एकसाथ टिजर सार्वजनिक गर्ने तयारि गरेको छ ।
Discussion about this post